अनियमितता

अकूत सम्पति कमाएको आरोपमा प्राधिकरणका तत्कालीन इञ्जीनीयरविरुद्ध मुद्दा दायर

इकागज | असार ७, २०८०

काठमाडौँ - अख्तियार दुरुपयोग अनुसन्धान आयोगले अकूत सम्पत्ति कमाएको अभियोगमा नेपाल विद्युत् प्राधिकरणका तत्कालीन मेकानिकल इञ्जीनीयर कृष्णप्रसाद यादवविरुद्ध आज विशेष अदालतमा मुद्दा दायर गरेको छ । आयोगले यादवविरुद्ध रु एक करोड ४२ लाख ५२ हजार पाँच सय ५० बराबरको बिगो जरिवाना, कैद सजायकोसमेत माग गरेको छ । 

प्राधिकरणको विभिन्न कार्यालयमा कार्यरत रहँदा स्रोत नखुलेको गैरकानुनी सम्पत्ति आर्जन गरी भ्रष्टाचार गरेको पाइएको आयोगले जनाएको छ । आयोगका अनुसार २०४८ फागुन १ गतेदेखि सार्वजनिक सेवामा प्रवेश गरेका यादवको वैध आय रु एक करोड ७१ लाख ४६ हजार ४४ बराबर देखिन्छ ।

 इञ्जीनीयर यादव २०७९ जेठ १ गतेसम्म सेवामा रहेको पाइएको छ । सो अवधिमा रु तीन करोड १३ लाख ९८ हजार पाँच सय ९४ बराबरको खर्च तथा लगानी गरेको पाइएको छ । 

वैध आयको तुलनामा लगानी तथा खर्च बढी रहेको तथा त्यसको कुनै स्रोत समेत नखुलेको पाइएको आयोगले दायर गरेको मुद्दामा उल्लेख छ । वैध आय भन्दा बढी रहेको रु एक करोड ४२ लाख ५२ हजार पाँच सय ५० बराबरको बिगो कायम गरिएको आयोगले जनाएको छ । 

आयोगले गैरकानुनी रुपमा आर्जन गरेको तथा स्रोत नखुल्ने सम्पत्ति श्रीमती मञ्जुदेवी यादवको नाममा जग्गा खरिद, घर निर्माण, शेयर खरिदलगायतका प्रयोग गरेको पाइएको छ । आयोगले स्रोत नखुलेको सम्पत्ति जफथ गर्न समेत माग गरेको प्रवक्ता भोला दाहालले जानकारी दिए । 

काठमाडौँका वडाध्यक्ष कुश ढकालले सरकारी जग्गाहिना मिना गरेको भन्दै छानबिन गर्न माग

इकागज | असार ५, २०८०

काठमाडौँ - काठमाडौँ महानगरपालिका–२९ का वडाध्यक्ष कुश ढकालले धोवी खोलाको सरकारी जग्गा गुठी...

महोत्तरी जिल्ला प्रहरीका लेखापाल दुई लाख रुपैयाँ घुससहित बानेश्वरबाट पक्राउ

इकागज | बैशाख २२, २०८०

काठमाडौँ- जिल्ला प्रहरी कार्यालय महोत्तरीका लेखापाल विनोद विष्ट दुई लाख रुपैयाँ घुससहित पक्राउ परे...

यातायात कार्यालयका उपसचिवविरुद्ध करोड बढीको भ्रष्टाचार मुद्दा दायर

इकागज | बैशाख १९, २०८०

काठमाडौँ- अख्तियार दुरुपयोग अनुसन्धान आयोगले उपसचिव सुन्दर भट्टराईविरुद्ध भ्रष्टाचार मुद्दा दायर गरे...

खाद्य अनुसन्धान अधिकृत ढुंगेलविरुद्ध भ्रष्टाचार मुद्दा दायर

इकागज | बैशाख १५, २०८०

काठमाडौँ- अख्तियार दुरुपयोग अनुसन्धान आयोगले खाद्य प्रविधि तथा गुण नियन्त्रण विभागका खाद्य अनुसन्धान...

एउटै स्थानीय तहका जनप्रतिनिधि र कर्मचारीसहित दुई दर्जनविरुद्ध भ्रष्टाचार मुद्दा

इकागज | बैशाख १२, २०८०

सिरहा। पछिल्लोसमय मधेश प्रदेशका स्थानीय तहहरूमा हुने संस्थागत भ्रष्टाचारको तथ्य बाहिरिएको छ । सिरहा...