लसएन्जल्स - टेलर स्विफ्टले एकै दिनमा सबैभन्दा बढी स्ट्रिमिङ हुने एल्बमको रेकर्ड कायम गरेकी छिन् । स्पटिफाईले शनिबार एक्समा तथ्यांक सार्वजनिक गर्दै टेलर स्विफ्टले आफैँले पहिला राखेको रेकर्ड भत्काएको जानकारी गराएको हो ।  उनको नयाँ एल्बम १९८९ ले यो रेकर्ड कायम गरेको हो ।

यसअघि यो रेकर्ड उनकै मिडनाइट शीर्षकको एल्बमको नाममा थियो । पुराना गीतहरुको संग्रह १९८९मा केही नयाँ गीत थप्दै उनले टेलर भर्जन सार्वजनिक गरेकी थिइन् । 
उनको संग्रहमा रहेका ‘भल्ट ट्रयाक स्लट’ अमेरिकामा ५२ लाख स्ट्रिमिङसहित पहिलो नम्बरमा रहेको थियो । एल्मब मात्र होइन टेलरको कन्सर्टका दृश्य समेटिएको फिल्म ‘द इराज टुर’ले पनि नर्थ अमेरिकामा कीर्तिमानी कमाइ गरेको थियो ।

टेलरको यो फिल्मलाई कन्सर्ट फिल्ममध्ये सर्वाधिक व्यापार गर्ने फिल्म मानिएको थियो । उनी संगीतकै कमाइबाट खर्बपतिको सूचीमा सामेल हुने पनि पहिलो गायिका बनेकी थिइन् ।