प्रमुख समाचार

एमाले सचिव भट्टको जिल्लामा एमाले 'निल'

इकागज | मंसिर ९, २०७९

धनगढी - नेकपा एमालेका केन्द्रीय सचिव तथा सुदूरपश्चिम प्रदेश इन्चार्ज खेलराज भट्टको गृह जिल्लाकैलालीमा नेकपा एमाले 'निल' भएको छ । कैलालीमा नेकपा एमाले प्रतिनिधि तथा प्रदेश सभामै निल बनेको हो ।

२०७४ को निर्वाचनमा कैलालीमा एमालेले प्रतिनिधितर्फ दुई स्थान जितेको थियो भने, प्रदेश सभा तर्फ ५ सिट जितेको थियो । 

तर मंसिर ४ गते सम्पन्न निर्वाचनमा भने एमाले कैलालीबाट निल भएको हो । प्रतिनिधि सभा तर्फ कैलाली–४ मा इन्चार्ज भट्ट आफै पराजित भएका छन्, भने, कैलाली–५ मा नारदमुनि राना, कैलाली–३ मा  गौरिशंकर चौधरी, कैलाली–२ मा झपड रावल र कैलाली–१ मा तपेन्द्र रावल पराजित भएका छन् ।

प्रदेश सभा तर्फ पनि सुदूरपश्चिममा एमाले निल भएको छ । कैलालीका १० वटा प्रदेश सभा क्षेत्र मध्य एमालेले ९ वटा क्षेत्रमा उम्मेदवारी दिएको थियो । कैलाली–१ को प्रदेश क्षेत्र क मा भने एमालले जसपालाई छोडेको थियो ।

एमालेका तर्फबाट कैलाली १ को प्रदेश ख मा द्वारिका प्रसाद न्यौपाने, क्षेत्र नम्बर–२ को प्रदेश क मा कमला कुमारी ओली, ख मा डेजि पाण्डे, कैलाली क्षेत्र नम्बर ३ को प्रदेश क मा राजबहादुर बुढा, ख मा जयनारायण जोशीलाई उम्मेदवारी दिएका थिए । 

त्यसैगरी कैलाली क्षेत्र नम्बर–४ को प्रदेश क मा एमालेका भीमबहादुर देउवा, ख मा हरिसिंह साउँद र कैलाली–५ को प्रदेश क्षेत्र क मा नेपालु चौधरी र अ मा दुर्गा जोशीले उम्मेदवारी दिएका थिए । तर ९ मध्य एक जनाले पनि जीत हाँशील गर्न सकेनन् । नेकपा एमाले दार्चुला, बझाङ र अछाममा पनि निल बनेको छ ।
 

प्रदेश १ मा १२ प्रतिनिधि सभा क्षेत्रको परिणाम बाँकी

बाबुराम भण्डारी | मंसिर ९, २०७९

विराटनगर- प्रदेश १ का १४ जिल्लाका २८ वटा प्रतिनिधिसभा निर्वाचन क्षेत्र मध्ये अझै १२ वटा निर्वाचन क्षेत्रको ...

भोजपुरले मलाई सदुपयोग गर्नेछ भन्ने ठानेको थिएँ, गलत सावित भएँ : पूर्वमुख्यमन्त्री राई

इकागज | मंसिर ९, २०७९

विराटनगर- भोजपुरबाट प्रतिनिधिसभा सदस्यमा पराजित भएका प्रदेश १ का संस्थापक मुख्यमन्त्री शेरधन राईले भोजपु...

संसदीय दलको नेता नछानी कसैले प्रधानमन्त्री घोषणा गरेर केही हुँदैन : शेखर काेइराला

बाबुराम भण्डारी | मंसिर ९, २०७९

विराटनगर- मोरङ ६ बाट प्रतिनिधिसभामा निर्वाचित नेपाली कांग्रेसका नेता डा.शेखर कोइरालाले संसदीय दलको न...

गुल्मी-१ मा कांग्रेसका भण्डारी निर्वाचित, एमालेका ज्ञवाली पराजित

इकागज | मंसिर ९, २०७९

बुटवल- गुल्मी क्षेत्र नम्बर १ मा नेपाली कांग्रेस नेता डाक्टर चन्द्र भण्डारी निर्वाचित भएका छन् । गठबन्धनको...