प्रमुख समाचार

मोरङ-१ मा लिम्बू र खतिवडाबीच तेस्रो पटक प्रतिस्पर्धा

इकागज | कात्तिक २७, २०७९

मोरङ- मङ्सिर ४ गते हुने प्रतिनिधिसभा र प्रदेशसभाको निर्वाचनमा मोरङ क्षेत्र नं १ मा विगतका निर्वाचनमा जस्तै यसपटक पनि नेपाली कांग्रेसका मोरङ जिल्ला सभापति डिगबहादुर लिम्बू र निवर्तमान सांसद नेकपा एमालेका घनश्याम खतिवडा मुख्य प्रतिस्पर्धा हुने अनुमान गरिएको छ । यो उनीहरुबीचको तेस्रो प्रतिस्पर्धा हो।    
    
२०७० मा भएको संविधानसभाको निर्वाचनमा डिगबहादुर लिम्बू १५ हजार दुई सय दुई मतसहित निर्वाचित हुँदा घनश्यामले १२ हजार नौ सय ८९ मत प्राप्त गरेका थिए । तर २०७४ सालमा वामगठबन्धनको साझा उम्मेद्वार बनेका खतिवडाले लिम्बुलाई पराजित गरेका थिए । भौगोलिक हिसाबमा जिल्लाको सबैभन्दा ठूलो निर्वाचन क्षेत्र मोरङ १ मा उत्तरी मोरङका केराबारी र मिक्लाजुङ गाउँपालिका, लेटाङ नगरपालिका र पूर्वी मोरङको उर्लाबारी नगरपालिका पर्दछन् ।    
    
एक लाख २३ हजार छ सय १५ जना मतदाता रहेको निर्वाचन क्षेत्रमा नौ दल र पाँच स्वतन्त्र उम्मेद्वार गरी १४ जना चुनावी प्रतिस्पर्धामा छन् ।
    
राप्रपाका होमनाथ गौतम उर्लाबारीकै भएकोले उनको प्रचार उर्लाबारी केन्द्रित छ । यो क्षेत्रमा नेपाल मजदूर किसान पार्टीका लक्ष्मीप्रसाद कवाँ, हाम्रो नेपाली पार्टीका राजेन्द्रप्रसाद पौडेल, मङ्गोल नेशनल अर्गनाइजेसनका सुरज लिम्बू, सङ्घीय लोकतान्त्रिक राष्ट्रिय मञ्चका बुद्धमाया लिम्बू, राष्ट्रिय स्वतन्त्र पार्टीका कमलबहादुर श्रेष्ठ र राष्ट्रिय जनमुक्त पार्टीका हर्कमान सम्बाहाम्फे चुनावी प्रतिस्पर्धामा छन् । यस्तै पाँचजना स्वतन्त्र उमेद्वारमा तिलकबहादुर मगर, मनिषा सुवेदी, फुलकुमारी पण्डित, निलु लिम्बू र यामप्रसाद दाहाल रहेका छन् ।    
    
गत स्थानीय तहको निर्वाचनमा यो क्षेत्रका चार स्थानीय तहका ३७ वडामा दलगत वडाध्यक्षका उम्मेदवारले पाएको मतका आधारमा एमालेको ९३५ मत बढी देखिन्छ। एमालेका उम्मेदवारले ३२ हजार तीन सय ६६ र कांग्रेसका उम्मेदवारले ३१ हजार चार सय ३१ मत ल्याएका थिए। माओवादी केन्द्रका उम्मेदवारले ६ हजार पाँच सय ८१, नेकपा समाजवादीले एक हजार ९३, राप्रपाले दुई हजार आठ सय ९० र जसपाका उम्मेदवारले चार सय ९४ मत पाएका थिए ।    
    
कांग्रेस उम्मेदवार डिगबहादुर लिम्बूले उत्तरी मोरङको कृषि पर्यटनलाई विकास गर्न सडक सञ्जाल र विद्युत् विस्तारलाई सबैभन्दा प्राथमिकतामा राखेको बताएका छ्न् । कृषिबाट आयआर्जन गर्न सकिने उत्तरी मोरङको अलैँची, अम्लिसो, तेजपातको उत्पादन भण्डारण र प्रशोधनका लागि पहल गर्ने लिम्बूको भनाइ छ ।    
    
त्यस्तै एमाले उमेद्वारा घनश्याम खतिवडा नीति निर्माण र यस क्षेत्रका समस्या सदनमा उठाउने प्रतिबद्धतासहित चुनावी अभियान चलाई रहेका छन् । नदी नियन्त्रण र व्यवस्थापन, स्वच्छ र शुद्ध खानेपानीको पहुँच विस्तार, आधारभूत स्वास्थ्य निःशुल्क र पूर्व-पश्चिम राजमार्गसँग उत्तरी मोरङका सबै वडालाई कोलोपत्र सडकको सञ्जालले जोड्ने प्रमुख एजेन्डासहित एमाले उम्मेदवार खतिवडाले अगाडि सारेका छन् ।    
    
मोरङ १ प्रदेशसभा १ मा माओवादी केन्द्रका निवर्तमान सांसद कुलप्रसाद साँवा सत्ता गठबन्धनका उम्मेदवार हुनुहुन्छ । एमालेले उमाकान्त गौतमलाई उम्मेदवार बनाएको छ । यहाँ चार दल र एक स्वतन्त्र उम्मेदवार चुनावी मैदानमा छन् ।    
    
राप्रपाले पूर्णबहादुर वाइबा, सङ्घीय लोकतान्त्रिक राष्ट्रिय मञ्चले अर्जुन सिंह लिम्बू र मङ्गोल नेशनल अर्गनाइजेशनले शिवकुमार राईलाई उम्मेदवार बनाएको छ भने खड्गबहादुर थापा स्वतन्त्र उम्मेदवार छन् । मोरङ १ प्रदेशसभा २ मा प्रदेश सरकारका यातायात तथा सञ्चारमन्त्री उपेन्द्रप्रसाद घिमिरे संयुक्त लोकतान्त्रिक वामगठबन्धनका उम्मेदवार छन् ।    
    
त्यस्तै एमालेबाट जिल्ला विकास समिति मोरङका पूर्व सभापति खड्गबहादुर बस्नेत हुनुहुन्छ । यहाँ छ दल र एक स्वतन्त्र उम्मेदवार प्रतिस्पर्धामा छन् । राप्रपाले सन्तोष कार्की, सङ्घीय लोकतान्त्रिक राष्ट्रिय मञ्चले कृष्णकुमार लिम्बू, मङ्गोल नेशनल अर्गनाइजेसनले ओमकुमार लिम्बू, राष्ट्रिय जनमुक्ति पार्टीबाट टङ्कबहादुर गुरुङ र स्वतन्त्र उम्मेदवार दीपक राई चुनावी मैदानमा छन् ।  

ग्राण्डी अस्पतालका डाक्टरले काठमाडौंमा घर दाइजो नदिएको भन्दै श्रीमती कुटे

इकागज | कात्तिक २७, २०७९

काठमाडौं - ग्राण्डी अन्तर्राष्ट्रिय अस्पतालका डा. पकज चौधरीले विवाहमा दाइजो नल्याएको र काठमाडौंमा एउ...

तीन महिनामा ५८ करोडको टेलिभिजन सेट र पौने ३० करोडको क्यामरा नेपाल भित्रिए

इकागज | कात्तिक २७, २०७९

काठमाडौँ- चालु आर्थिक वर्ष २०७९/८० को पहिलो तीन महिनामा विभिन्न देशबाट नेपालमा ५८ करोड रुपैयाँभन्दा ब...

विकासको पर्खाइमा काठमाडौँको नाङलेभारे : धुलाम्मे सडक, २० घरलाई एउटा धारा

इकागज | कात्तिक २७, २०७९

नाङ्लेभारे (काठमाडौँ - विकासका दृष्टिले राजधानी काठमाडौँको दरबारमार्ग सुविधासम्पन्न मानिन्छ । स्वदेशी र ...

बैतडी र डोटीमा घाँस काट्ने क्रममा भिरबाट लडेर दुई महिलाको मृत्यु

इकागज | कात्तिक २७, २०७९

कैलाली - बैतडी र डोटीमा घाँस काट्ने क्रममा भिरबाट लडेर दुई महिलाको मृत्यु भएको छ। डोटीको जोरायल गाउँ...