विराटनगर । प्रदेश १ को सभामुखमा माओवादी केन्द्रका बाबुराम गौतम सर्वसम्मत रुपमा निर्वाचित भएका छन् । बिहीबारको प्रदेश सभा बैठकले गौतमलाई सभामुखमा चयन गरिएको प्रस्ताव सर्वसम्मत पारित गरेको हो ।

गौतम चार दलीय सत्ता साझेदार दलका तर्फबाट उम्मेदवार बनेका थिए । गौतमलाई सभामुख चयन गरियोस् भन्ने प्रस्तावका प्रस्तावक एमाले संसदीय दलका प्रमुख सचेतक रेवतिरमण भण्डारी र समर्थकका तर्फबाट माओवादीका नारायण बहादुर मगरले समर्थन जनाएका थिए ।

ओखलढुंगा प्रदेशसभा क्षेत्र (२) बाट निर्वाचित भएका सभामुख गौतमले आफ्नो कार्यकालमा प्रदेशको नामाकरण गर्न सबै दलसँग सहकार्य गर्ने बताए । उनले आफले पाएको जिम्मेवारीलाई सहजताका साथ पूरा गर्ने बताए ।