आगलागीले २५ लाख बढीको क्षति, विचल्लीमा कटवाल परिवार

इकागज | कात्तिक २७, २०८०

खोटाङ- हलेसी तुवाचुङ नगरपालिका–८ धितुङस्थित बुँलागैरीका भीमबहादुर कटवालको घरमा विद्युत्‌ चुहावट भएर  आगलागी हुँदा रु २५ लाख भन्दा बढीको क्षति भएको छ ।

घरमा जडान गरिएको विद्युत्‌को मिटरबक्सबाट सल्किएको आगोले उनको जस्तापाताको छाना भएको तीनतले घर, घरमा भएको नगद रु दुई लाख, साढे चार तोला सुन, पाँच तोला चाँदी, नागरिकता, जग्गाधनीपुर्जा, भाँडाकुँडा, अन्नपात, लत्ताकपडा, काठपातलगायतका सामग्री जलेर पूर्णरुपमा नष्ट भएको जिल्ला प्रहरी कार्यालय खोटाङले जनाएको छ । 

आगलागीलाई स्थानीय बासिन्दा र प्रहरीले करिब दुई घण्टापछि नियन्त्रणमा लिएका थिए । आगलागीका कारण सात जनाको कटवाल परिवार विचल्लीमा परेका छन् ।  धितुङस्थित बुँलागैरीका अधिकांश स्थानीय बासिन्दाले घर एकअर्काको नजिक बनाएकाले आगलागीको समयमा जोखिम हुने गरेको छ । 

धितुङमा गत वर्ष एकापसमा जोडिएका घरमध्ये एउटामा सल्किएको आगोले जलेर पूर्णरुपमा नष्ट भएको थियो भने आठ वर्षअघि एउटा घरबाट सुरु भएको आगोले छवटा घर जलेर नष्ट भएको थियो । सुक्खाग्रस्त क्षेत्रमा पर्ने हलेसी तुवाचुङ नगरपालिकाको धितुङलगायत अधिकांश वडा आगलागीको उच्च जोखिममा छन् । रासस

एमाले सांसदको प्रश्न : एमालेले साथ दिएको किन बिर्सिनुभयो ?

बाबुराम भण्डारी | कात्तिक २३, २०८०

विराटनगर- कोशी प्रदेशका मुख्यमन्त्री केदार कार्कीले बिहीबार प्रदेश सभामा आठ जना सभा सदस्यहरूको प्रश्नहरूको...

संघीय सरकारले प्रदेशको अधिकार कब्जा गरेको कोशीका मुख्यमन्त्री कार्कीको आरोप

बाबुराम भण्डारी | कात्तिक २३, २०८०

विराटनगर- कोशी प्रदेशका मुख्यमन्त्री केदार कार्कीले संघीय सरकारबाट प्रदेशको अधिकार नआए मुख्यमन्त्रीकै हैसि...

कोशीका मुख्यमन्त्री कार्कीसँग आज सांसदहरूको ‘प्रश्नोत्तर’

इकागज | कात्तिक २३, २०८०

विराटनगर- कोशी प्रदेश सभाका सदस्यहरूले आज मुख्यमन्त्री केदार कार्कीसँग प्रदेश सभा बैठकमा प्रश्न सोध्ने भएका...

कोशी प्रदेश सभाको १० महिनामा बल्ल बने सात विषयगत समिति (नामावलीसहित)

बाबुराम भण्डारी | कात्तिक २२, २०८०

विराटनगर - प्रदेश सभा गठन भएको १० महिनापछि कोशी प्रदेश सभाका सात वटा बिषयगत समिति गठन भएका छन् ...