अमेरिकाबाट आएको पार्सलमा गाँजा, हुलाक कार्यालयबाट तीन जना समातिए

इकागज | पुस १८, २०८०

बारा- विदेशबाट पार्सल गरी पठाइ्एको लागूऔषध गाँजासहित बारामा प्रहरीले तीन जनालाई पक्राउ गरेको छ । अमेरिकाबाट आएको पार्सलबाट लागूऔषध डिलेभरी हुँदैछ भन्ने सूचनाको आधारमा प्रहरीले उनीहरूलाई पक्राउ गरेको हो ।

जिल्ला प्रहरी कार्यालय बारा र लागूऔषध ब्यूरो वीरगञ्जबाट खटिएको संयुक्त प्रहरी टोलीले वीरगञ्ज महानगरपालिका-१ सिसबावारी बस्ने वर्ष २२ का नैमोदिन मियाँ, सोही ठाउँ बस्ने वर्ष २७ का जितेन्द्र साह सोनार र वर्ष २२ का कृष्णा सराफलाई पाँच प्याकेट गाँजासहित पक्राउ गरेको जिल्ला प्रहरी कार्यालय बाराले जानकारी दिएको छ ।

पार्सलको गाँजा बुझेर लैजाँदै गरेको अवस्थामा उनीहरूलाई जिल्ला हुलाक कार्यालय बारा परिसरबाट नियन्त्रणमा लिइएको जिल्ला प्रहरी कार्यालय बाराका प्रहरी प्रवक्ता दधिराम न्यौपानेले जानकारी दिए । उनका अनुसार पपक्रोन मिक्स ट्रियो लेखिएको रातो रंगको टिनको डब्बाभित्र ३ प्याकेट, वर्ल्डफेशन ओट्स लेखिएको डब्बामा १ र क्वीक वट्स लेखिएको अर्को डब्बाभित्र १ प्याकेट गाँजासहित उनीहरूलाई पक्राउ गरिएको हो ।

गाँजासहित नियन्त्रणमा लिइएका उनीहरूविरुद्ध लागूऔषध मुद्दामा बारा जिल्ला अदालतबाट हिजो पाँच दिनको म्याद लिएर थप अनुसन्धान कार्य भइरहेको प्रहरी प्रवक्ता न्यौपानेले बताए ।

मुलुकलाई आर्थिक संकटमा लैजाने मठाधीशलाई कारबाही गर्नुपर्छ : प्रभु साह

इकागज | पुस १५, २०८०

वीरगंज- आम जनता पार्टी (आजपा) का अध्यक्ष एवं पूर्वमन्त्री प्रभु साहले प्रमुख दलका नेताहरूका कारण देश असफल...

पक्राउ पुर्जी जारी भइसकेको व्यक्ति खुलेआम घुम्दै, प्रहरीकै भूमिका शंकास्पद

मुकेशकुमार यादव | पुस १०, २०८०

सिरहा- सिरहामा ज्यान मार्ने उद्योग मुद्दामा फरार प्रतिवादी खुलेआम घुमे पनि प्रहरीले पक्राउ गरेको छैन । ...

गाडी, व्यक्तिगत र बीमा कर्जा नतिर्दा वृन्दावन नगरपालिकाका मेयर कुर्मी कालो सूचीमा

इकागज | पुस १०, २०८०

काठमाडौँ- वृन्दावन नगरपालिका मेयर विनोद प्रसाद कुर्मी बैंकको कालो सूचीमा परेका छन् । रौतहटको चन्द्रनिगा...

तीन पुस्तादेखि बस्दै आएको मुसहर बस्तीमा जमिन्दारको 'गिद्धे नजर'

सिरहा- सिरहाको मिर्चैया नगरपालिका-११ सोनीस्थित सदाय (मुसहर) बस्ती उठाउने षडयन्त्र भइरहेको स्थानीयल...