मकवानपुर । मकवानपुरकाे हेटौडा उपमहानगरपालिका १८ दोभानचौरमा रहेको रत्नदेवी दूध उत्पादन सहकारी सस्थामा आगलागी हुँदा ७ लाख क्षति भएको छ । 

बिजुलीको तार सर्ट भई आगलागी हुँदा सहकारीको कागजात र नगद समेत जलेको बताइएको छ । 

जिल्ला प्रहरी कार्यालय मकवानपुरको प्रहरी नायब निरीक्षक अरबिन्द्र कुमार यादवका अनुसार स्थानीयवासी, वारुणयन्त्र, प्रहरीको सहयोगमा डेढ घण्टामा आगो नियन्त्रणमा लिइएको थियो । 

आगोबाट दूध चेक गर्ने मेसिन वनलाईजर सेट  १ थान, कम्प्युटर १ थान, मिटर बक्स १ थान १२ भोल्ट को ब्याट्री १ थान,अफिस भित्र रहेको कागज पत्र , टेवल कुर्सी,जस्तापाता ४ बन्डल, विद्युतीय  तौल तराजु जलेको छ ।

घटनाबाट ७ लाख बराबरको क्षति भएको यादवले बताए ।  विद्युत सर्ट भएरै गएराति पनि मकवानपुरको थाहा नगरपालिकामा पनि २ वटा घर जलेर नष्ट भएको थियो ।