काठमाडौँ – नेपाल स्टक एक्सचेञ्ज परिसूचक (नेप्से) साताको पहिलो कारोबार पुन: घटेको छ । सोमवार सेयर बजार १५ दशमलव ८२ अकंले घटेको हो । गत साता पनि ५ दिनको कारोबारमा १ दिन बढेको बजार परिसूचक यस साता पनि सुरुवातमै घटेको छ । 

गत साताको अन्तिम कारोबारमा पश्चात परिसूचक २०४८ दशमलव १६ अंकमा ओर्लिएको बजार परिसूचक आज १६ अंकले पुन ओरालो लाग्दा २०३२ दशमलव ३४ अंकमा आइपुगेको छ।

१६ अंकले बजार घट्दा आज कारोबार रकम १ अर्ब पुग्न सकेन् आज २३० कम्पनीको सेयर ९९ करोड ८६ लाख ७४ हजार २ सय ६२ रूपैयाँ बराबरको सेयर कारोबार भएको छ। २९ लाख २० हजार ७ सय ५ कित्ता सेयर २० हजार ७ सय ७४ पटक खरिद बिक्री भएको थियो ।

आज सेयर बजार परिसूचक शून्य दशमलव ७७ प्रतिशत तथा ‘क’ वर्गका कम्पनीहरूको सेन्सेटिभ २ दशमलव ३० अंक अर्थात शुन्य दशमलव ५९ अंकले घटेको छ।

उप-समूहतर्फ आज १३ ओटै समूहको सेयर मूल्य घटेको छ ।