कोभिड संक्रमण घट्दै, आइतबार थपिए २६२ संक्रमित
फागुन ८, २०७८
काठमाडौँ- देशभर २४ घण्टामा २ सय ६२ कोभिड-१९ संक्रमित थपिएका छन् । स्वास्थ्य तथा जनसंख्या मन्त्रालयकाअनुसार आइतबार ९ हजार ८१५ जनाको कोभिड परीक्षण गरिएको थियो ।
त्यसैगरी आज १ हजार ३३८ जना संक्रमणमुक्त भएका छन् । हालसम्म ९ लाख ५१ हजार ३९४ जना संक्रमणमुक्त भइसकेका छन् । आज मात्र ४ जना संक्रमितको मृत्यु भएको छ । हालसम्म देशभरबाट ११ हजार ९२१ जनाको मृत्यु भइसकेको छ ।
२४ घण्टामा ३३ हजार २५४ जनाले कोभिडविरुद्धको खोप लगाएका छन् । देशभर सक्रिय संक्रमित १२ हजार २४४ जना छन् ।
