टी-२० विश्वकप :
आज भारत र आयरल्याण्ड भिड्दै, आयरल्याण्डसँग अहिलेसम्म हारेको छैन भारत
जेठ २३, २०८१
काठमाडौँ- आइसीसी टी-२० विश्वकप अन्तर्गत आज एक खेल हुँदैछ । आज समुह 'ए' अन्तर्गत भारत र आयरल्याण्डबीच खेल हुँदैछ ।
न्यूयोर्कस्थित नस्साउ काउन्टी इन्टरनेसनल क्रिकेट स्टेडियममा हुने यो खेल नेपाली समय अनुसार राति ८:१५ बजेदेखि शुरु हुने छ ।
यस विश्वकपमा दुवैको यो पहिलो खेल हो । टी-२० खेलमा आयरल्याण्डले अहिलेसम्म भारतलाई पराजित गर्न सकेको छैन । अहिलेसम्म दुवैबीच ७ खेल भएको छ, जसमा सबै खेल भारतले जितेको छ ।
समुह 'ए'मा रहेको अमेरिकाले आफ्नो पहिलो खेल जितेको छ भने क्यानडा पराजित भएको छ ।
