एसीसी प्रिमियर कप : ओमानको लगातार दोस्रो जित
बैशाख २, २०८१
काठमाडौँ- एसीसी प्रिमियर कप क्रिकेट प्रतियोगितामा आयोजक ओमानले लगातार दोस्रो जित हात पारेको छ ।
वर्षाले प्रभावित आइतबारको समूह 'बी' अन्तर्गतको खेलमा ओमानले कम्बोडियालाई ६३ रनले पराजित गर्यो ।
जितका लागि ११ ओभरमा १ सय ५५ रनको विशाल लक्ष्य पछ्याएको कम्बोडियाले ७ विकेट गुमाएर ९१ रन मात्र बनाउन सक्यो ।
कम्बोडियाका लागि कप्तान लुकमन बटले सर्वाधिक ४१ रन बनाए । ओमानका लागि अकिब इलयासले ४ विकेट हात पारे ।
यसअघि टस हारेर पहिले ब्याटिङ गरेको ओमानले निर्धारित ११ ओभरमा ६ विकेट गुमाउँदै १ सय ५४ रन बनायो ।
ओमानका लागि नसिम खुशीले २७ बलमा ६९ रन जोडे ।
