विद्युत् प्राधिकरण बालुवाटारको खटनपटनमा : १४० मेगावाटको मनाङ-मर्स्याङ्दीको रातारात पीपीए हुँदै

विकास थापा | फागुन १३, २०७७

काठमाडौं  : सरकार विघटनको संघारमा पुगिसकेपछि बालुवाटारको आदेशमा विद्युत् प्राधिकरणले दौडादौड गरेर १३९ मेगावाटको मनाङ–मस्र्याङ्दी जलविद्युत् आयोजनाको विद्युत् खरिद सम्झौता (पीपीए) गर्न यतिखेर सञ्चालक समितिको बैठक राखेको छ । यतिखेर प्राधिकरणमा सञ्‍चालक समितिको बैठक बसिरहेको छ । बुटबल पावर कम्पनी (बीपीसी) दलाल रहेको यो आयोजनाको मुख्य लगानीकर्ता चिनियाँ कम्पनी रहेको छ । केपी ओली सरकार विघटन हुनुअघि नै बालुटावारले सक्दो छिटो पीपीए गर्न प्राधिकरणका कार्यकारी निर्देशक हितेन्द्रदेव शाक्यलाई निर्देशन दिएको स्रोतले बतायो ।

स्रोतका अनुसार प्राधिकरण सञ्चालक समितिको बैठक हिजो बुधबारै राखिएको थियो । तर बैठक बस्ने नसकेपछि आज पुनः राखिएको हो । प्राधिकरणको बैठकको एजेन्डामा ‘विविध’ शीर्षकमा यसलाई राखेको छ । स्रोतका अनुसार यसको पीपीएका लागि चिनियाँ कम्पनी र नेपाली दलालले ‘ठूलो रकम’ खर्च गरिसकेका छन् । सरकार विघटन हुनुअघि जसरी पनि यसलाई फत्ते गर्न निर्देशन आएपछि शाक्य लागिपरेका हुन् ।

ऊर्जा मन्त्री भएदेखि कहिल्यै मन्त्रालयमा नभेटिने टोपबहादुर रायमाझी यही पीपीए गर्नका लागि खटिएको स्रोतले जानकारी दियो । अहिले कार्यकारी निर्देशक शाक्यले गर्ने अधिकांश निर्णय बालुवाटारबाट निर्देशित हुँदै आएका छन् । बालुवाटरकै निर्देशनमा शाक्यले आयोजना व्यवस्थापन निर्देशनालयका प्रमुख मनोज सिलवाललाई हटाई रामजी भण्डारीलाई ल्याएका छन् । यो निर्देशनालय अन्तर्गत प्राधिकरणका ४३ वटा ठूला आयोजना निर्माणाधीन छन् । यसमा खर्ब रुपैयाँको लगानी छ । आयोजना निर्माणको कुनै अनुभवै नभएका भण्डारी पनि बालुवाटारकै सेटिङमा आएका हुन् । शाक्य कार्यकारी निर्देशकमा नियुक्ति भएपछि कुन हाकिमको कार्यसम्पादन के कस्तो छ भन्ने अनुभव नै नगरी सिलवाललाई मिल्काएका हुन् । 

विघटनको संघारमा पुगेको सरकारका ऊर्जामन्त्री रायमाझीको सक्रियता

इकागज | फागुन १३, २०७७

काठमाडौँ : विघटनको संघारमा पुगेको केपी ओली सरकारका ऊर्जामन्त्री टोपबहादुर रायमाझीले विद्युत् प्राधिकरणमा …

कोभिड प्रभावित हाइड्रोपावरको लाइसेन्सको म्याद एक वर्ष थपिने, २९ गतेसम्म निवेदन दिनुपर्ने

इकागज | फागुन ६, २०७७

काठमाडौं : सरकारले कोभिड-१९ प्रभावित जलविद्युत आयोजनाको म्याद १ वर्ष थप्‍ने भएको छ । आइतबार ऊर्ज…

विद्युत प्राधिकरणका कार्यकारी निर्देशक हितेन्द्र देव शाक्यद्वारा पदबहाली

इकागज | फागुन २, २०७७

काठमाडौ : नेपाल विद्युत प्राधिकरणका नवनियुक्त कार्यकारी निर्देशक हितेन्द्रदेव शाक्यले आज आइतबार पदबहाली गरे…

प्रधानमन्त्रीले बिजुली निर्यात गर्ने उद्घोष गरिरहँदा आधा बिजुली भारतबाटै

विकास थापा | माघ २९, २०७७

काठमाडौँ : प्रधानमन्त्री केपी ओलीले मुलुक अब बिजुली बेच्‍ने अवस्थामा पुगेको घोषणा गरिरहँदा देशले खपत…

म्याग्दीमा जलविद्युत् : राष्ट्रिय प्रशारणमा जोडियो घलेम्दी

इकागज | माघ २६, २०७७

म्याग्दी : अन्‍नपूर्ण गाउँपालिका-४ नारच्याङस्थित घलेम्दीखोला जलविद्युत् आयोजना निर्माण भएको एक वर्षपछि उत्प…

सप्तरीमा १३२ केभी सवस्टेशन बनाउन जग्गा प्राप्ति सुरु, कसको कति जग्गा पर्‍यो?

इकागज | माघ २३, २०७७

काठमाडौं : सरकारले सप्तरीको बोदेबर्साइन नगरपालिकामा १३२ केभी सवस्टेशन निर्माणको लागि जग्गा प्राप्तिको प्रक्र…