काठमाडौँ- इंग्लिस प्रिमियर लिग क्बल म्यानचेस्टर युनाइटेडले अस्ट्रियाका मिडफिल्डर मार्सेल साविजरलाई लोनमा भित्र्याएको छ । युनाइटेडले मार्सेललाई जर्मन क्लब बायर्न म्युनिखबाट लोनमा भित्र्याएको बीबीसीले जनाएको छ ।

चोटका कारण क्रिस्टियन एरिक्सन लामो समयसम्म तथा स्कट म्याकटोमिने केही समयसम्म मैदान बाहिरै रहने भएपछि युनाइटेडले यस सिजनको अन्त्यसम्मका लागि मार्सेललाई भित्र्याएको हो ।

२८ वर्षीय मार्सेलले सन् २०२१ को अगस्टमा बायर्नमा आवद्ध भएदेखि ५४ खेल खेलिसकेका छन् । उनले अस्ट्रियाका लागि ६८ खेलमा १२ गोल गरेका छन् ।