सत्ता गठबन्धनको बैठक ४ बजे बस्दै, सरकार गठनबारे छलफल हुने
पुस ९, २०७९
काठमाडौं- नयाँ सरकार गठन र शक्ति समीकरणबारे छलफल गर्ने गरी सत्ता गठबन्धनमा रहेका दलहरूको बैठक आज ४ बजे बस्ने तयारी छ ।
गठबन्धन बैठकअघि माओवादी केन्द्रका अध्यक्ष पुष्पकमल दाहाल र प्रधानमन्त्री शेरबहादुर देउवाबीच छलफल हुने स्राेतकाे भनाइ छ । प्रचण्ड र प्रधानमन्त्री देउवाबीचकाे भेटपछि मात्रै गठबन्धनकाे बैठक बस्ने भनाइ छ ।
यसअघि आजै बिहान कांग्रेसका वरिष्ठ नेता रामचन्द्र पौडेलले माओवादी अध्यक्ष प्रचण्डलाई उनको निवास खुमलटारमा भेटेका थिए । सो क्रममा उनले हालको गठबन्धन यथावत् राख्न जोड दिएका थिए ।
