मुम्बई :  अभिनेत्रीहरू महंगो लुगा लगाउन परिचित छन् । बेला बेलामा उनीहरूले लगाउने यस्तो लुगाको चर्चा पनि हुने गर्छ । यतिबेला तमन्ना भाटियाले लगाएको एउटा लुगा यसैगरी चर्चामा छ । 

तमन्नाले आजभोलि मास्टरसेफमा तेलगु भर्सन सञ्चालन गर्छिन् । यो क्रममा शनिबार उनले एउटा गाउन लगाएकी थिइन् जुन मार्चेसा ब्रान्डको थियो । मत्स्य आकारको काला रंगको गाउनमा फूलको बुट्टा कुँदिएको थियो । यस्तो लाग्थ्यो तमन्नाले यो लुगामा राम्रै रकम खर्च गरेकी छिन् । 

नभन्दै अनलाइनमा यो लुगाको मूल्य हेर्ने हो भने ६ हजार डलर हाराहारी छ जुन भारतीय रुपैंयाँमा परिवर्तन गर्ने हो भने ४ लाख १५ हजार बराबर हुन आउँछ । अनि भारतमा यो पैसाले मारुतीको अल्टो वा डाटसन गो कार किन्न सकिन्छ । 

विश्वका विभिन्न देशमा निर्माण हुने मास्टरसेफको तेलगु भर्सनको भने तमन्नाले होस्ट गरिरहेकी छिन् । उनले मास्टरसेफ आफूलाई असाध्यै मनपर्ने सो भएको र त्यही सो होस्ट गर्न पाउँदा आफूलाई खुशी लागेको बताएकी छिन् ।फिल्मतर्फ भने तमन्नाका दुई सिरिज आएका थिए जुन खासै सफल मानिएका थिएनन् ।