राष्ट्रपति निर्वाचनमा कांग्रेसको उम्मेदवारले नै जित्ने बस्नेतकाे दाबी
माघ २७, २०७९
काठमाडौँ- नेपाली कांग्रेसका नेता मोहनबहादुर बस्नेतले राष्ट्रपति निर्वाचनमा कांग्रेसको उम्मेदवारले जित्ने दाबी गरेका छन् ।
शुक्रबार संसद् भवन नयाँ बानेश्वरमा सञ्चारकर्मीसँग कुरा गर्दै बस्नेतले सबै दलको सहयोगले नै राष्ट्रपति निर्वाचनमा कांग्रेसको उम्मेदवारले जित्ने दाबी गरेका हुन् । उनले अहिलेको शक्ति सन्तुलन मिलाउनका लागि पनि राष्ट्रपतिमा कांग्रेसको उम्मेदवारलाई सहयोग गर्नुपर्ने बताए ।
एमालेको राष्ट्रपति भए अब पनि रबर स्ट्याम्प मात्रै हुने उनकाे भनाइ छ ।
त्यस्तै एमाले नेता योगेश भट्टराईले संसद् मार्फत राष्ट्रपतिले राखेका विषयहरूलाई सरकारले मार्गदर्शनका रूपमा लिनुपर्ने बताए । उनले मुलुकमा देखिएको आर्थिक लगायतका सबै समस्यालाई समाधान गर्न एकताबद्ध भएर लाग्नुपर्ने धारणा राखे ।
