२०७४ को हारलाई जितमा बदले झम्कले
जेठ ३, २०७९
काठमाडौँ - सिन्धुपाल्चोकको इन्द्रावती गाउँपालिकाको अध्यक्ष र उपाध्यक्षमा एमालेले जित निकालेको छ ।
अध्यक्षमा एमालेका झम्क नेपाल विजयी भएका छन् । उनले ७ हजार १२७ मत प्राप्त गरेका छन् । उनका निकटतम प्रतिस्पर्धी कांग्रेसका विकास लामाले ६ हजार १६८ मत पाएका छन् । नेपाल यसअघि २०७४ को निर्वाचनमा कांग्रेससँग पराजित भएका थिए । उनले अहिले त्यसको पैचो तिरेका छन् ।
यस्तै उपाध्यक्षमा पनि एमालेकी शोभना तामाङ विजयी भएकी छिन् । उनले कांग्रेसकी दया मिश्रलाई पराजित गरिन् ।
