अन्तर्घातको घाउबाट मुक्त हुँदै आम निर्वाचनको तयारीमा एमाले

इकागज | असार २८, २०७९

काठमाडौँ- नेकपा एमालेले स्थानीय निर्वाचनमा पार्टीभत्र देखिएको आरोप-प्रत्यारोप र आपसी आशङ्काको धङधङीबाट मुक्त भएर आसन्‍न प्रतिनिधि सभा र प्रदेश सभाको निर्वाचनको तयारीमा केन्द्रित हुन अन्तरपार्टी निर्देशन (अपानि) जारी गरेको छ ।

'असमझदारीलाई छलफलद्वारा, असहयोगलाई आलोचनाद्वारा र अन्तर्घातलाई कारबाहीका माध्यमबाट सम्बोधन गर्ने,' पार्टीका अध्यक्ष केपी शर्मा ओलीबाट मातहतका कमिटीलाई दिइएको निर्देशनमा भनिएको छ,'आपसी अन्तरविरोधका कारण कारबाहीको दायरा अनावश्यकरूपमा फराकिलो नहोस् भन्ने कुरामा विशेष सजगता अपनाउने । प्रमाणित र पुष्टि भएका अन्तर्घातका सीमित घटनामा विधि पुर्‍याएर बिना मोलाहिजा नगर्ने ।'

एमालेको सो अपानि-४ मा सत्ता गठबन्धन, पार्टीभित्रका समस्या र अन्तर्घातका बीच स्थानीय निर्वाचनमा लोकप्रिय मतमा एमाले अगाडि रहेका निर्वाचित पदमा दोस्रो हुन पुगेको स्वीकार गरिएको छ । सो पार्टीको केन्द्रीय सचिवालयको नवौँ बैठक (२०७९ जेठ ३०) र दसौँ बैठक (असार १९) गतेका निर्णय पार्टीका तल्ला कमिटीलाई जानकारी गराउन जारी निर्देशनमा निर्वाचनको मूल सन्देश र शिक्षालाई स्थापित गर्ने तथा प्रतिरक्षात्मक मनोविज्ञानलाई अन्त्य गर्ने भनिएको छ ।

सोका लागि यही असार मसान्तभित्र सबै पालिकाको निर्वाचन समीक्षा सम्पन्न गरी त्यसको प्रतिवेदन केन्द्रमा पठाइसक्ने, निर्वाचनको तयारी, परिचालन र मत रक्षामा कहाँ-कहाँ कमी रह्यो भन्ने निर्वाचन समीक्षाबाट निकालिएका निष्कर्षको सूची बनाएर विगतको कमीलाई दोहोर्‍याउने सुनिश्चित गर्ने र स्थानीय निर्वाचनको परिणामलाई आधार बनाएर प्रतिनिधिसभा निर्वाचन क्षेत्र र प्रदेशसभा निर्वाचन क्षेत्रको अलग-अलग विश्लेषणसहित शक्ति सन्तुलनको अद्यावधिक समीक्षा गर्ने निर्देशनमा उल्लेख छ ।

यस्तै पार्टीको आन्तरिक एकतालाई सुदृढ गर्न स्थानीय निर्वाचनका क्रममा र त्यसभन्दा पहिले पनि रहेका असमझदारी रहेको भए खुलस्त छलफल, आलोचना-आत्मालोचना र अन्य विधिमार्फत समाधान गर्ने र पार्टी एकतालाई बलियो बनाउने, पार्टीभित्र उत्पन्न समस्यामध्ये कुन चाहिँ असमझदारी हो, कुन असहयोग हो र कुन चाहिँ अन्तर्घात हो भन्‍ने कुराको वस्तुनिष्ठ, निष्पक्ष र सन्तुलित पहिचान गर्ने एमालेको निर्णय रहेको छ ।

एमालेले स्थानीय तहको निर्वाचनमा भएको अन्तर्घातबारे छानबिन गर्न उपाध्यक्ष विष्णु पौडेलको संयोजकत्वमा कार्यदल गठन गरेको थियो भने आम निर्वाचनलाई ध्यानमा राखेर सातै प्रदेशमा प्रशिक्षण सञ्चालन गर्न जिम्मेवारी दिएको छ ।

गत वैशाख ३० गते सम्पन्न स्थानीय तहको निर्वाचनमा नेपाली कांग्रेसले ३२९, एमालेले २०६, नेकपा (माओवादी केन्द्र) ले १२१, जनता समाजवादी पार्टी (जसपा)ले ३०, नेकपा एकीकृत समाजवादीले २०, लोकतान्त्रिक समाजवादी पार्टीले १६ र अन्य पार्टी तथा स्वतन्त्र उम्मेदवारले ३१ पालिकामा प्रमुख/अध्यक्ष जितेका छन् ।

देशभर कूल निर्वाचित जनप्रतिनिधि सङ्ख्यामध्ये कांग्रेसले ४०, एमालेले ३४ र माओवादी केन्द्रले १४ प्रतिशत पदमा जित हासिल गरेका छन् । अघिल्लो निर्वाचनमा पहिलो स्थानमा रहेको एमालेले पालिकाका प्रमुख/अध्यक्षले प्राप्त गरेको समग्र मतको विश्लेषण गर्दा यस निर्वाचनमा पनि एमाले पहिलो स्थानमा कायमै रहेको सो पार्टीको बुझाइ रहेको छ । एमालेले अघिल्लो निर्वाचनमा सदर कुल मतको एक तिहाई मत (३३%) हासिल गरेको थियो भने यस निर्वाचनमा लोकप्रिय मतमा एक प्रतिशत (३४%) वृद्धि गरेको छ । एमालेबाट चोइटिएर बनेको नयाँ दल नेकपा (एकीकृत समाजवादी) ले चार प्रतिशत मात्र मत  प्राप्त गरेको छ ।

स्थानीय पार्टी कमिटी र जनसङ्गठन परिचालन

सो पार्टीले जनसरोकारका विषयमा सबै स्थानीय पार्टी कमिटी र जनसङ्गठनले विरोध कार्यक्रम सञ्चालन र जनदबाब सृष्‍टि गर्ने पनि तय गरेको छ । एमालेले केन्द्रीय सल्लाहकार परिषद्लाई पूर्णता दिँदै विभिन्न केन्द्रीय विभागका सचिव पनि तोकेको छ ।

पार्टी पुनः गठन गर्नुपर्ने अवस्थामा पुग्यो : बाबुराम भट्टराई

इकागज | असार २८, २०७९

भक्तपुर- जनता समाजवादी पार्टीका संघीय परिषद् अध्यक्ष डा बाबुराम भट्टराईले आफू पक्षीय केन्द्रीय समितिको विस्...

बाबुराम पक्षीय विस्तारित बैठकमा ४६ प्रतिशत केन्द्रीय सदस्य उपस्थित

इकागज | असार २८, २०७९

काठमाडौँ - जनता समाजवादी पार्टी नेपालका संघीय परिषद् अध्यक्ष डा. बाबुराम भट्टराई पक्षीय केन्द्रीय समितिको...

बाबुरामका दुई विकल्प : फेरि वैकल्पिक शक्ति बनाउने कि विचार मिल्नेसँग एकीकरण ? (पूर्ण पाठ)

इकागज | असार २८, २०७९

काठमाडौँ - जनता समाजवादी पार्टी नेपालका संघीय परिषद् अध्यक्ष डा. बाबुराम पक्षाीय केन्द्रीय समितिको विस्ता...

संसद्‍मा उपसभामुख र उपाध्यक्ष पदमा महिला नहुनु लाजमर्दोः वामदेव गौतम

इकागज | असार २८, २०७९

काठमाडौँ - राष्ट्रिय सभा सदस्य वामदेव गौतमले सरकार र राजनीतिक दलको गैर जिम्मेवारीका कारण संघीय संसदका...

एमाले अध्यक्ष ओली र चिनियाँ कम्युनिस्ट पार्टीका विदेश विभागका प्रमुख लिउबीच भेटवार्ता

इकागज | असार २८, २०७९

काठमाडौँ- नेपाल भ्रमणमा रहेका चिनियाँ कम्युनिस्ट पार्टी (सीपीसी)का विदेश विभाग प्रमुख लिउ जियन्चाओ र ने...

आजबाट भट्टराई पक्षको विस्तारित बैठक, भोलिदेखि यादव पक्षको केन्द्रीय समिति बस्ने

इकागज | असार २८, २०७९

काठमाडौँ -जनता समाजवादी पार्टी, नेपालका संघीय परिषद् अध्यक्ष डा. बाबुराम भट्टराई पक्षको केन्द्रीय समितिको...