कैलाली- टिप्परले अटोलाई ठक्कर दिँदा एक जनाको मृत्यु भएको छ भने एक जना घाइते भएका छन् । कैलालीको गोदावरी नगरपालिका–६ लालपुरमा टिप्परले अटोलाई ठक्कर दिँदा सोही नगरपालिका-७ हरैयाका ३ वर्षीय बालक भरत ठकुल्लाको मृत्यु भएको प्रहरीले जानकारी दिएको छ ।

जिल्ला प्रहरी कार्यालय कैलालीका प्रवक्ता प्रहरी नायब उपरीक्षक (डिएसपी) बेदप्रकाश जोशीले आज बिहान पुर्वबाट पश्चिमतर्फ जाँदै गरेको सु प प्र ०१००१ क २०२० नम्बरको  टिप्परले विपरित दिशातर्फ आउँदै गरेको सु प प्र ०१००१ ह ४९१८ नम्बरको अटोलाई ठक्कर दिँदा घाइते भएका ठकुल्लाको उपचारका क्रममा सेती प्रादेशिक अस्पताल धनगढीमा मृत्यु भएको बताए ।

प्रहरी ठक्कर दिने टिप्पर र चालकलाई नियन्त्रणमा लिएको बताए । डिएसपी जोशीले अहिले उक्त स्थानमा स्थानीयले सडक अवरुद्ध पारेको जानकारी दिए । उनले सडक खुलाउने प्रयास भरहेको बताए ।