काठमाडौँ– नेपाली कांग्रेसका सभापति शेरबहादुर देउवाले मानबहादुर विश्वकर्मासहित ८ जनालाई कांग्रेसको केन्द्रीय कार्यसमितिको सदस्य पदमा मनोनयन गरेका छन् ।

बिहीबार कांग्रेसले एक विज्ञप्ति जारी गर्दै केन्द्रीय कार्यसम्पादनमा सदस्य थप गरेको जानकारी दिएको हो ।

‘नेपाली कांग्रेसका सभापति शेरबहादुर देउवाले नेपाली कांग्रेसको विधान, २०१७ (संशोधनसहित) को धारा २१ को उपधारा (१०) बमोजिम मानबहादुर विश्वकर्मा (अर्घाखाँची), अर्जुनप्रसाद जोशी (पर्वत), डा. चन्द्र भण्डारी (गुल्मी), शिवप्रसाद हुमागाई (काभ्रेपलाञ्चोक), किरणराज शर्मा पौडेल (बाग्लुङ), भरतकुमार शाह (रुपन्देही), शारदा पौडेल (कास्की) र अनिलकुमार रुंगटा (पर्सा) लाई नेपाली कांग्रेस केन्द्रीय कार्यसमितिको सदस्य पदमा मनोनयन गर्नु भएको छ,’ कांग्रेसले जारी गरेको विज्ञप्तिमा लेखिएको छ ।