पराराष्ट्रको पत्रमा एनआरएनएको असन्तुष्टि

काठमाडौं - गैरआवासीय नेपाली संघ (एनआरएनए)ले परराष्ट्रले गत भदौ २५ मा काटेको पत्रप्रति असन्तुष्टि व्यक्त गरेको छ । मन्त्रालयले भदौ २५ गते एनआरएनको चुनावी प्रक्रिया स्थगन गर्न पत्र काटेको थियो । आगामी अक्टोबर २३ देखि २५ मा महाधिवेसनको मिति तय भैसकेको अवस्थामा परराष्ट्रले काटेको पत्रमा संघले असन्तुष्टि जनाएको हो । एनआरएनएले जारी गरेको विज्ञप्तिमा केहि विरोधी पक्षले गरेको आग्रहमा मन्त्रालयले यस्तो पत्र काट्नु आश्चर्य रहेको जनाएको छ ।

विरोधी पक्षले संघको आन्तरिक प्रक्रियाबाट महाधिवेशन प्रतिनिधिमाथि दाबी विरोध गर्नुको सट्टा कुनै ठोस प्रमाण र आधार बिना परराष्ट्र मन्त्रालयमा सिधै उजुरी दिनु दु:खद् भएको जनाएको छ ।  संघले महाधिवेशनका लागि प्रतिनिधि छनोटका क्रममा कुनै अनियमितता नभएको दाबी गरेको छ। संघले चुनाव पहिले तोकिएकै मितिमा हुने दाबी पनि गरेको छ । ८५ देशमा फैलिएको संजालमा यस्तो घटना आउनु सामान्य भएको संघले जारी गरेको विज्ञप्तिमा जनाएको छ ।

---