सँगै दार्जिलिङदेखि जन्मदिनको विशेष शुभकामनासम्म , के आज्ञाको प्रेममा छन् अनमोल ?

काठमाडौं  : अनमोल केसीको स्टारडमको एउटा सूत्र हो, पर्दापछाडि बस्न सक्ने खुबी  । फिल्मको प्रमोसनबाहेक उनलाई सार्वजनिक जीवनमा देख्न मुस्किल पर्छ । त्यसैले दर्शक उनको निजी जीवनबाट बेखबर हुन्छन् । यसले न उनको अफेयरको खबर थाहा हुन्छ न ब्रेकअपको । 

अनमोलले सबैले थाहा पाउने गरी प्रेम गरेका थिए, ‘जेरी’ को–स्टार आना शर्मासँग । ‘जेरी’को सुटिङदेखि सुरु भएको प्रेम ‘ड्रिम्स’को सुटिङ सुरु भएसँगै सकिएको थियो । ‘ड्रिम्स’ सुटिङको क्रममा अनमोल साम्राज्ञी राज्यलक्ष्मी शाहसँग नजिकिएको आशंकामा विवाद बढ्दै गएपछि अनमोल र आनाको ब्रेक भएको थियो । 

---

आनापछि अनमोलको अफेयरको गाइँगुइँ चल्यो अदिती बुढाथोकीसँग । अदिती बुढाथोकी अनमोललाई उल्कै मन पराउँथिन् । र धेरै सेलिब्रेटीको झैं उनीहरूको भेट पनि सुटिङ सेटमै भएको थियो । ‘कृ’ मा अनमोल र अदितीले सँगै अभिनय गरेका थिए । तर, प्रचार प्रसारका क्रममा अनमोल मात्र हाइलाइट भएपछि अदिती रुष्ट बनेकी थिइन् । पछि फिल्म रिलिज भएपछि अनमोलको मात्र चर्चा भएपछि अदिती मुम्बई हानिएकी थिइन् । योसँगै अनमोल र अदितीको माया प्रेम फिल्म चलुन्जेल मात्र चलेको थियो । 

अदिती र अनमोलको प्रेम मिडियासम्म आइपुगेको थिएन तर सारा सिरपाइली र अनमोलको अफेयरको खबर भने मिडियासम्म पनि आइपुगेको थियो । दुवैले इन्स्टामा एक अर्कालाई फलो गरेपछि सुरु भएको प्रेमको आशंका अनमोल साराको जन्मदिन मनाउन नगरकोटसम्म पुगेको खबर पछि लगभग पुष्टि भएको थियो । भर्खरै मात्र थाहा भयो सारा र अनमोलको ब्रेकअप भइसकेको रहेछ । 

यतिबेला भने अनमोलको नाम आज्ञा कारन्जितसँग जोडिएको छ । ‘पारस’का लागि हिरोइन खोजिरहेको चर्चाबीच अनमोल र आज्ञा इन्स्टा स्टोरीमा देखिन थालेका थिए । सबैको अनुमान थियो, आज्ञा ‘पारस’की हिरोइन हुन् । केही अनलाइनमा समाचार पनि आएको थियो ।

तर, आज्ञा पारसको नभई अहिले अनमोलको हिरोइन रहेको आशंका गर्न थालिएको छ ।  ‘फिल्म’का लागि भने भुवन केसीले अर्कै हिरोइन फाइनल गरिसकेका छन् जो अहिले ‘पारस’का लागि अभिनय र नृत्य सिकेर तयार हुँदैछिन् । उनीहरूले फिल्म सुटिङमा जानुअघि हिरोइन सार्वजनिक गर्ने तयारी गरिरहेकी छिन् । 

आज्ञा र अनमोलबीच अफेयरको आशंका त्यतिबेला गहिरो भएको थियो जब दुवै एक साथ दार्जिलिङ गएका थिए । उनीहरूको दुवैको इन्स्टा पछ्याउने हो भने आज्ञाले दार्जिलिङमै अनुहार नदेखिएको हात समातेर मायामा परेको संकेत गरेकी छिन् भने त्यहीँ एकै लोकेसनमा खिचेका फोटो पनि छन् । एकै ठाउँमा फोटो खिचेको भए पनि अनमोल र आज्ञा एकै फ्रेममा भने छैनन् । यसले पनि दुवैबीच अफेयर रहेको शंकालाई बल पुर्याउँछ । साथी मात्र थिए भने सँगै फोटो खिच्न कुनै अप्ठेरो हुन्थेन । 

दुवैको अफेयरलाई बल पु¥याउने अर्को प्रमाण हो, आज्ञाले अनमोललाई गरेको बर्थ डे विश । मंगलबार अनमोलले २७ औं जन्मदिन मनाए । मध्य दिउँसो घरमा केक काटेका अनमोल त्यसपछिको समयमा भने आज्ञासँग रहेको आज्ञाले राखेको फोटोले देखाउँछ ।

त्यति मात्र होइन आज्ञाले अनमोललाई जन्मदिनमा शुभकामना दिँदा  ‘समवन्स बर्थडे’ भनेर स्पेसल तरिकाले शुभकामना दिएकी छिन् । सँगै उनले आकु लेखेकी छिन् । आजभोलि प्रेममा रहेका जोडीले अक अर्काको अल्फाबेट बनाएर नाम राख्ने गरेका छन् । यस हिसाबले पनि अनमोलको ए र करन्जितको के जोडेर ‘आकु’ बनाएको अनुमान गर्न सकिन्छ ।  पाटन स्थायी बसोबास गर्ने आज्ञा संघर्षरत मोडल हुन् । उनले केही म्युजिक भिडियो, एउटा सर्ट फिल्म र केही विज्ञापनमा काम गरेकी छिन् ।