महंगो मूल्यमा नेटफ्लिक्सले किन्यो डेनियल क्रेगको ‘नाइभ्स आउट’ सिक्वेल

लसएन्जल्स :  डेनियल क्रेग अभिनीत ‘नाइभ्स आउट’का दुई सिक्वेल नेटफ्लिक्सले महंगो मूल्यमा खरिद गरेको छ । भेराइटीका अनुसार ‘नाइभ्स आउट’को दोस्रो र तेस्रो भागका लागि नेटफ्लिक्सलाई ४५ करोड अमेरिकी डलर तिरेर प्रदर्शन अधिकार लिएको हो ।

सन् २०१९ मा प्रदर्शन भएको रियाल जोन्सन निर्देशित यो फिल्म बक्स अफिसमा खुबै रुचाइएको थियो । जोन्सन मौलिक पटकथाका लागि अस्करमा पनि मनोनयनमा परेका थिए ।४ करोड डलर बजेटमा बनेको फिल्मले विश्वभरिबाट ३ अर्ब डलरभन्दा बढी कमाइ गरेको थियो ।

---

हत्या रहस्यको वरिपरि घुमेको फिल्ममा एना डे आम्र्स र क्रिस प्याटको पनि अभिनय रहेको थियो । नेटफ्लिक्सले रियालसँग गरेको सम्झौतालाई अहिलेसम्मकै ठूलो सम्झौता मानिएको छ । विश्वमा चौतर्फी प्रतिस्पर्धा खेपिरहेको नेटफ्लिक्सले प्रतिस्पर्धामा टिकिरहन यति महंगो रकम तिरेको बताइएको छ ।

पछिल्ला दिनमा नेटफ्लिक्सलाई एचबीओ म्याक्स, डेज्नी प्लस, एप्पल टीभी प्लसले टक्कर दिइरहेका छन् । अझ एचबीओले बार्नरब्रोजका फिल्म हलमा रिलिज भएको केही दिन पछि नै यता रिलिज गर्ने गरी सम्झौता गरेपछि हलसँगै अन्य प्रतिस्पर्धी स्ट्रिमिङ साइट पनि आत्तिएका छन् ।