बालेन शाहले साइमन बिष्टलाई दिए नयाँ मुकुट

काठमाडौँ- र्‍याप गायनमा आधारित रियालिटी शो नेपहपको श्रीपेचका विजेतालाई श्रीपेच मुकुट प्रदान गरिएको छ ।

मंगलबार काठमाडौँ महानगरपालिकाका मेयर बालेन्द्र शाहले नेपहपका विजेता साइमन बिष्ट (भाइबर साइमन) लाई नेपहपको श्रीपेच प्रदान गरेका हुन् । शोका जज समेत रहेका मेयर शाहले पञ्चधातुबाट निर्मित मुकुट प्रदान गरेका छन् ।

---

यसअघि ग्राण्ड फिनालेकै दिन प्रदान गरिएको श्रीपेच विवादमा परेपछि नयाँ निर्माण गरेर विजेतालाई प्रदान गरिएको छ । यसअघिको मुकुटप्रति बौद्ध धर्मगुरुहरूले आपत्ति जनाएपछि फिर्ता गरिएको थियो । कार्यक्रममा बोल्दै विजेता साइमनले नेपालको फर्स्ट र्‍याप रियालिटी शो जित्‍न पाउँदा खुसी लागेको बताए । यसअघि  लगाएको श्रीपेच केही विवादका कारण नयाँ प्रदान गरिएको र मुकुट पाएकोमा खुसी लागेको बताएका हुन् । 

अहिले प्रदान गरिएको श्रीपेच अन्तर्राष्ट्रिय हिपहपहरूले पनि लगाउने र यसलाई इन्टरनेटमा हेरेर डिजाइन गरिएको आयोजकले जनाएको छ ।