'मिस ग्राण्ड नेपाल २०२२' को आवेदन खुल्ला

काठमाडौँ – बली क्लब ग्रुप नेपालको आयोजनामा हुन लागेको 'मिस ग्राण्ड नेपाल २०२२' का लागि आवेदन खुल्ला भएको छ। प्रतियोगिता भाग लिन चाहनेले १० अगस्ट २०२२ सम्ममा आवेदन पेस गर्न सक्ने आयोजकले जनाएको छ। 

विजेताले इन्डोनेसियाको जकार्तामा हुने भएको 'मिस ग्राण्ड इन्टरनेशनल २०२२' मा सहभागी हुन पाउनेछन् । मिस ग्राण्ड इन्टरनेशनलमा अन्तर्राष्ट्रिय मञ्चमा ८० भन्दा बढी देशहरूमा नेपालको प्रतिनिधित्व गर्न पाउने आयोजकले जानकारी दिएका छन् । यो प्रतियोगिता विश्वको शीर्ष तीन सौन्दर्य प्रतियोगिताहरू मध्ये एक रहेको आयोजकको दाबी छ।

---

विजेताले विभिन्न संस्थाहरूको लागि राजदूत, अन्तर्राष्ट्रिय क्षेत्रमा नेपाल अन्वेषण र प्रवर्द्धन गर्ने अवसर आदि समेत प्राप्त गर्ने आयोजकले जानकारी दिएको छ।