ब्राण्ड प्रवर्द्धनमा महंगा साउथ अभिनेता, कसले कति पारिश्रमिक लिन्छन् ?

मुम्बई- साउथ स्टारको लोकप्रियता हालका दिनमा तीव्र गतिमा बढिरहेको छ । महेश बाबुदेखि लिएर अल्लू अर्जुनसम्मका साउथ स्टारलाई हिन्दी भाषी दर्शकले मन पराउने क्रम उल्लेख्य छ ।

यही कारण उनीहरूलाई ठूला ठूला ब्राण्डले प्रवर्द्धनका लागि प्रस्ताव गरिरहेका छन् । उनीहरूले ब्राण्डको प्रवर्द्धन गर्न मोटो रकम लिने गरेका छन् ।

---

प्रभास
यो सूचीमा प्रभास शीर्ष स्थानमा छन् । ‘बाहुबली’ पछि लोकप्रियताको उचाइमा पुगेका उनले एक विज्ञापनका लागि १८ करोड पारिश्रमिक लिन्छन् ।

महेश बाबू
‘टलिउड प्रिन्स’ महेशले हालसम्म हिन्दी बक्स अफिसमा पाइला चालेका छैनन । यसबाहेक पनि उनको उनको लोकप्रियता बढ्दो छ । एक विज्ञापनका लागि उनी १२ करोड रुपैयाँ पारिश्रमिक बुझ्छन् ।

अल्लू अर्जुन
अल्लू अर्जुन फिल्म ‘पुष्पा’ पछि घर घरमा लोकप्रिय छन् । उनी एक विज्ञापनबापत साढे सात करोड पारिश्रमिक लिन्छन् ।

राम चरण
‘आरआरआर’ स्टार राम चरण पनि ब्राण्ड कम्पनीको प्रिय बनेका छन् । उनी एक विज्ञापनका लागि ६ देखि ७ करोडसम्म पारिश्रमिक बुझ्छन् ।

नागार्जुन
नागार्जुन साउथको ठूला स्टार हुन् । उनी एक विज्ञापनका लागि दुई करोड रुपैयाँ पारिश्रमिक लिन्छन् ।

नागा चैतन्य
अभिनेत्री सामन्था रुथ प्रभुका पूर्वपति नागा चैतन्यको हातमा पनि थुप्रै विज्ञापन छन् । उनी एक विज्ञापनका लागि डेढ करोड पारिश्रमिक थाप्छन् ।

विजय देवरकोंडा
ब्राण्ड प्रवर्द्धनको मामलामा विजय देवरकोंडा पनि कम छैनन् । उनी एक विज्ञापनका लागि १ करोड रुपैयाँ पारिश्रमिक लिन्छन् ।