मेयर बालेन शाह र  निर्देशक विशाल भण्डारीबीच फेसबुकमा जुहारी

काठमाडौँ - फेसबुकमा काठमाडौँका मेयर बालेन शाह र कमेडी च्याम्पियन निर्देशक विशाल भण्डारीबीच अचम्म लाग्दो दोहोरी चलेको छ । शुक्रबार साँझ निर्देशक विशाल भण्डारीले बालेनले सुरु गरेका तर अलपत्र परेका कामको सूची पोस्ट गर्दै भत्काको धेरै भयो अब बनाम् भन्दै स्ट्याटस पोस्ट गरेका थिए । उनको पोस्टमा बालेनका फ्यान खनिइरहेकै थिए त्यसमा बालेन थपिए र विशाल भण्डारीमाथि पैसाका लालची भएको र पैसामा बिक्ने मान्छेलाई जवाफ दिन जरुरी नभएको जवाफ दिए ।

बालेनको शैलीले चिढिएका विशाल भण्डारीले बालेनलाई श्री ८ को रुपमा सम्बोधन गर्दै फेरि उही प्रश्न दोहोर्याए , ‘भत्काउनुबाहेक के बनाउनु भयो ?’
फेरि पनि बालेन शाहसँग जवाफ तयार थियो । उनले प्रश्न गर्न पाइने भए पनि रक्सी खाएर राति राति दुःख दिन नपाइने जवाफ दिए ।‘प्रश्न सोध्न पाइन्छ भाइ । काम गरिराको मान्छेलाई दारु खाएर राति राति दुःख दिन पाइन्न । तिम्रो गाउँको मेयरले के गरिराछ थाहा छ ?’

---

मेयर बालेनले दिएको जवाफले सामाजिक सञ्जाल तातिएको छ । धेरै बालेनको बोल्ने सोमत नभएको भन्दै सर्वसाधारणले प्रश्न सोध्दा त्यसरी जवाफ दिन नहुने बताइरहेका छन् भने केहीले भने बालेनलाई प्रश्न सोध्ने बेला नभएको भन्दै बालेनको बचाउ गरेका छन् । तर विशाल भण्डारी प्रकरणले बालेन आलोचना सहन नसक्ने असहिष्णु रहेको कुरालाई भने फेरि एक पटक प्रमाणित गरेको छ ।