एडभान्स बुकिङमा बाहुबली-२ अगाडि

काठमाडौँ- अभिनेता शाहरुख खानको फिल्म ‘पठान’ हालका दिनमा चर्चाको विषय बनेको छ । यो फिल्म रिलिज अघि नै भारतमा करिब ३ लाख टिकट एडभान्स बुकिङ भइसकेको छ । शाहरुखले अभिनय गरेका फिल्ममध्ये यो फिल्मको सर्वाधिक एडभान्स टिकट बुकिङ भएको हो । तर, यसअघिका फिल्मको बुकिङ तथ्यांकलाई हेर्ने हो भने ‘बाहुबली’ पहिलो नम्बरमा छ ।

बाहुबली- २

---

प्रभास अभिनित फिल्म ‘बाहुबली २’ एडभान्स बुकिङमा पहिलो नम्बरमा छ । यो फिल्मको एडभान्स बुकिङमा ६ दशमलव  ५० लाख टिकट बिक्री भएको थियो ।

केजीएफ-२

साउथका सुपरस्टार यशको फिल्म ‘केजीएफ-२’ सूचीमा दोस्रो नम्बरमा छ । यो फिल्मको रिलिजअघि करिब ५ दशमलव  ११ लाख टिकट बिक्री भएको थियो ।

वार

ऋतिक रोशन र टाइगर श्रफको फिल्म ‘वार’ले रिलिजअघि नै एडभान्स बुकिङमा आफूलाई अब्बल साबित गरेको थियो । फिल्मको रिलिजअघि करिब ४ दशमलव  ५ लाख टिकट बिक्री भएको थियो ।

प्रेम रतन धन पायो

सलमान खान र सोनम कपूरको फिल्म ‘प्रेम रतन धन पायो’ को एडभान्स बुकिङमा ३ दशमलव  ४० लाख टिकट बिक्री भएको थियो ।

ठग्स अफ हिन्दुस्तान

बक्सअफिसमा फ्लप भएको आमिर खानको फिल्म ‘ठग्स अफ हिन्दोस्तान’ले एडभान्स बुकिङमा तहल्का मच्चाएको थियो । यो फिल्म रिलिजअघि नै करिब ३ दशमलव  ३० लाख टिकट बिक्री भएको थियो ।

भारत

सलमान खानको फिल्म ‘भारत’को एडभान्स बुकिङमार्फत ३ दशमलव  १६ लाख टिकट बिक्री भएको थियो ।

सुल्तान

सलमान खानकै अर्को फिल्म ‘सुल्तान’को रिलिज हुनुअघि ३ दशमलवमा १० लाख टिकट बिक्री भएको थियो ।

ब्रह्मास्त्र र दंगल

अभिनेता रणवीर कपूरको फिल्म ‘ब्रह्मास्त्र’ र आमिर खानको फिल्म ‘दंगल’को रिलिजअघि ३ दशमलव  ५ लाख टिकट बिक्री भएको थियो ।

सञ्जू

अभिनेता सञ्जय दत्तको बायोपिक फिल्म ‘सञ्जू’को रिलिजअघि नै २ दशमलव  ९४ लाख टिकट बिक्री भएको थियो ।