झुर फिल्मको रेटिङमा ‘रेस ३’ लाई पनि उछिन्यो ‘राधे’ ले

मुम्बई :  सलमान खान अभिनीत फिल्मले थुप्र्रै रेकर्ड बनायो । एकै दिन धेरै दर्शकको फिल्मले हेरेको फिल्मदेखि हलबाट सबैभन्दा कम कमाउने फिल्मको रुपमा पनि यसको नाममा कीर्तिमान बने ।

भारतका केही हलसँगै जी च्यानलका थुप्रै प्लेटफर्ममा एक साथ रिलिज भएको फिल्मले विकेन्डमा जम्मा ६० हजार कमाएको तथ्यांक बाहिरिएको छ । यो फिल्म त्रिपुरा राज्यका तीन हलमा मात्र रिलिज भएको थियो र यो आँकडा त्यहीबाट आएको हो ।

---

तर, केही दिन अघि आइएमडीबी रेटिङमा ‘राधे’ ‘दबंग ३’ लाई उछिन्दै दोस्रो नम्बरमा आएको खबर सार्वजनिक भएको थियो । तर ‘राधे’को गति यहीँ रोकिएन । दिन बित्दै जाँदा यो फिल्मले पहिलो नम्बरमा रहेको ‘रेस ३’ लाई पनि उछिनेको छ । 

सलमानको फिल्ममध्ये ‘रेस ३’ले आइएमडीबीमा सबैभन्दा कम रेटिङ पाएको थियो । सलमानको सबैभन्दा झुर मानिएको यो फिल्मको आइएमडीबीमा १.९ रेटिङ थियो । तर, ‘राधे’ले त्यसलाई उछिनेर १.८ रेटिङ पाएको छ । अर्थात् यो फिल्म सलमानको झुर फिल्मको लिस्टमा एक नम्बरमा आएको छ । 

दर्शकले दिएको समीक्षाको आधारमा आइएमडीबीले रेटिङ सार्वजनिक गर्ने गरेको छ । सलमान अभिनीत पछिल्ला तीनै फिल्मले १० मा कमभन्दा कम रेटिङ पाउने प्रतिस्पर्धा गरिरहेका छन् ।