बालकको कथालाई बुकर प्राइज

काठमाडौँ — बुकर पुरस्कार कसले पाउला त भन्ने जिज्ञासा अब मेटिएको छ । यसपालि यो पुरस्कार स्कटिस–अमेरिकी लेखक डग्लस स्टुवार्टले जितेका छन् । स्टुवार्टको अनुभवमा आधारित पहिलो उपन्यास ‘सगी बेन’लाई यस वर्षको प्रतिष्ठित बुकर पुरस्कार दिइएको छ । 

यस वर्ष बुकर पुरस्कारको प्रतिस्पर्धामा डायन कुकको ‘द न्यु वाइल्डरनेस’, अवनी दोषीको ‘बन्र्ट सुगर’, ब्रान्डन टेलरको ‘रियल लाइफ’, माजा मेंगित्सेको ‘द स्याडो किङ’, र सित्सी डांगारेम्बाको ‘दिस मोर्नेबल बडी’ थिए । यस वर्षको जुरीमा ली चाइल्ड, लेम सिसे, मार्गरेट बस्बी, समीर रहिम र इमिली विल्सन थिए । जुरी टिमकी प्रमुख मार्गरेट बस्बीले निर्णायक मण्डलले सर्वसम्मतले स्टुवार्टको उपन्यासलाई विजेताका रूपमा छनोट गरेको हो ।

---

स्टुवार्टले मेडलका साथै ५० हजार पाउन्ड (करिब दुई करोड रुपैयाँ) पाउनेछन् । उपन्यासमा स्टुवार्टले सन् १९८० को दशमा ग्लास्गोमा गरिबीसँग लडिरहेकी एउटी आमालाई सघाउने सानो बालकको कथा समेटिएको छ । ४४ वर्षीय उपन्यासकार स्टुवार्टले आफूले पाएको पुरस्कार आफ्नी आमाप्रति समर्पण गरेका छन् । उनी १६ वर्षको हुँदा अत्यधिक मद्यपानका कारण उनकी आमाको निधन भएको थियो । स्कटल्यान्डको ग्लास्गोमा हुर्किएका स्टुवार्ट अहिले न्युयोर्कमा बस्दै आएका छन् ।