यामी कार्तिकको जोडी

मुम्बई : केही दिनअघि कार्तिक आर्यनको जन्मदिन पारेर निर्माण टिमले उनको नयाँ फिल्म ‘धमाका’को फस्टलुक सार्वजनिक गरेको थियो । राम माधवनीले निर्देशन गर्न लागेको सिनेमामा कार्तिक आर्यनबाहेक बाँकी कलाकारको बारेमा केही पनि सूचना बाहिरिएको थिएन । तर, फिल्मका बाँकी कलाकार भन्दा पनि कार्तिक आर्यनले कोसँग रोमान्स गर्लान् ? धेरैलाई कौतुहलता थियो । अन्ततः यो कौतुहलताको बिट मारिएको छ । ताजा खबरअनुसार फिल्ममा कार्तिकसँग रोमान्स गर्ने अवसर यामी गौतमले पाएकी छिन् । 

भारतीय अनलाइन कोइमोईले स्रोतको हवाला दिँदै फिल्मका लागि निर्माता÷निर्देशकले यामी गौतमलाई फाइनल गरेको र दुवैले फिल्मको सुटिङका लागि तयारी थालेको पनि जनाएको छ । कार्तिक र यामी पहिलोपल्ट सँगै पर्दामा देखिन लागेका हुन् । यामीको पछिल्लो रिलिज ‘बाला’ हो भने कार्तिक ‘लभ आजकल’मा पछिल्लो पटक देखिएका थिए । 
 

---