‘रेडवाइन’मा हिरो फेरबदल, पुष्पले लिए पलको ठाउँ

हतारमा घोषणा गर्ने र फुर्सदमा छोड्ने कलाकार\निर्माताको पुरानो बानी ‘रेड वाइन’मा पनि दोहोरिएको छ । दुई महिनाअघि धुमधामसाथ घोषणा भएको फिल्म ‘रेडवाइन’बाट पल शाह बाहिरिएका छन् । उनको ठाउँमा निर्माण टिमले पुष्प खड्कालाई साइन गरेको छ ।  फिल्मका निर्देशक रमेश एमके पौडेल प्रतिक्रियाका लागि उपलब्ध भएनन् तर उनी निकट स्रोतले फिल्ममा हिरोहरूको अदलीबदली भएको स्वीकार गरे । 

‘साइन गर्ने बेलामा गर्ने तरपछि विभिन्न कुरामा किचकिच गर्ने । पलजीले भनेका कुरा निर्माण टिमले नमानेपछि सहमतिमै उनको ठाउँमा पुष्प ल्याएका हौं,’ स्रोतले भन्यो । स्रोतका अनुसार पलले सुरुमा कथा सुनेरै फिल्म साइन गरेका थिए तर बीचमा उनले कथासँगै फिल्मको शीर्षक पनि परिवर्तन गर्न दबाब दिएका थिए । उनले फिल्मका सहायक कलाकारको छनोटमा पनि हस्तक्षेप गर्न खोजेको स्रोत बताउँछ । स्रोतका अनुसार उनले आफ्नोभन्दा साम्राज्ञीराज्य लक्ष्मी शाहको भूमिका धेरै भएको भन्दै उनको भूमिका पनि कम गराइदिन आग्रह गरेका थिए । 

---

यता इकागजले पलको धारणा जान्न उनलाई सम्पर्क गर्न खोज्दा पल सम्पर्कमा  आएनन् । ‘रेडवाइन’मा जोडी बन्न लागेका पुष्प र साम्राज्ञीले यसअघि ‘मारुनी’मा सँगै काम गरिसकेका छन् । निर्माण टिमले बाँकी कलाकारको ना मभने सार्वजनिक गरिसकेका छैन ।