दीपिका र कट्रिनाको रिस गर्छिन् कियरा

यो साल जे छ कियरा आडवानीकै छ । ‘कबिर सिंह’ हिट भएपछि कियरा यति व्यस्त छन् कि दुई साल उनको सेड्युल प्याक छ । यतिबेला कियरा ‘जुग जग जियो’मा करिना कपुर, अनिल कपुर आदिसँग काम गरिरहेकी छिन् । करिना र कियराले ‘गुडन्युज’मा पनि सँगै काम गरेका थिए । त्यसैले दुवैबीच गहिरो मित्रता छ ।

तर, करिना र कियरा हालसालै ‘ह्वाट वुमन वान्ट’ नामक सोमा एक साथ आएका थिए । यहीँ करिनाले कियरालाई सोधिन्, ‘ कुन हिरोइनको फिगर देखेर ईष्र्या हुन्छ ?’ जवाफमा कियराले नाम लिइन्, ‘दीपिका पादुकोन र कट्रिना कैफको । कियराको तर्क थियो, ‘दुवै यति फिट र अग्ला छन् कि उनीहरूलाई जे लगाए पनि सुहाउँछ ।’

---

कियराले दुवैका व्यक्तित्वदेखि फिल्मको छनोटसम्म पनि आफूलाई लोभलाग्ने बताएकी थिइन् । ‘फगली’ फिल्मबाट बलिउडमा डेब्यु गरेकी कियराको चाँडै नै ‘इन्दु कि जवानी’ रिलिज हुँदैछ । महामारीपछि हलमा रिलिज हुने बलिउडको यो दोस्रो फिल्म हो । यसअघि ‘सुरज पे मंगल भारी’ ओटीटीमा नभई हलमा पहिला रिलिज भएको थियो ।