जन्म दिनमा रनवीरलाई करण जौहरको फिल्म कोसेली

मुम्बई :  ‘ब्यान्ड बाजा बारात’बा सुस्त सुरुवात गरेका रनवीर सिंह बलिउड फिल्म उद्योगका सबैभन्दा फुर्तिला अभिनेता मानिन्छन् ।  ‘असाध्यै मेहनती’ मानिने रनवीर खान युग पछिका सुपरस्टारको रुपमा पनि सम्बोधित हुने गरेका छन् ।

यिनै रनवीर आज जन्मदिन मनाइरहेका छन् । तर, जन्मदिनकै दिन उनलाई करण जौहरले भने फिल्म उपहार दिएको घोषणा गरेका छन् ।  ५ वर्षपछि निर्देशनमा फर्कन लागेका जौहरले रनवीर सिंह र आलिया भट्टको जोडीलाई लिएर ‘रक्की और रानीकी प्रेम कहानी’ नाममा फिल्म बनाउने घोषणा गरेका हुन् । फिल्ममा धर्मेन्द्र, जया बच्चन र शबाना आजमी पनि महत्वपूर्ण भूमिकामा रहेने बताइएको छ । 

---

करणले ५ वर्षअघि ‘ए दिल है मुस्किल’को निर्देशन गरेका थिए । रनवीर कपुर, ऐश्वर्या राय र अनुष्का शर्माको मुख्य भूमिका रहेको यो फिल्म पछि जौहर निर्माणमा मात्र सक्रिय थिए । उनले यो बीचमा विक्की कौसललाई लिएर ‘तख्त’ भन्ने फिल्म बनाउने घोषणा गरेको भए पनि उनले यो फिल्म थाँती राख्दै नयाँ फिल्मको घोषणा गरेका हुन् । यो फिल्मको सुटिङ सेप्टेम्बरबाट गर्ने तयारी जौहरको छ ।