बाहुबली निर्देशक राजमौलीको नयाँ फिल्ममा प्रियंका चोपडा देखिने

हैदाराबाद- बलिउड अभिनेत्री प्रियंका चोपडा ग्लोबल आइकन बनेकी छिन् । अहिले उनी अन्तर्राष्ट्रिय स्टार भइसकेका छिन् र पाइपलाइनमा धेरै हलिउड प्रोजेक्टहरू उनीसँग रहेका छन्। तर प्रियंकाका फ्यानहरू भने उनलाई बलिउडमा पुनरागमन गरेको हेर्न चाहन्छन् ।

यसैबीच प्रियंका चोपडाले दिएको एक अन्तर्वार्तामा बलिउडमा कमब्याक गर्न सक्ने संकेत दिएकी थिइन् र त्यस पछि  ‘बाहुबली’ र ‘आरआरआर’ निर्देशक एसएस राजामौलीको आगामी फिल्म एसएसएमए २९ (प्रारम्भिक नाम) को लागि हलिउड अभिनेत्रीहरूसँग कुराकानी भइरहेको खबर आएको थियो । यस्तो अवस्थामा उनी १ हजार करोडको यो फिल्मको हिस्सा बन्न सक्ने अनुमान गरिएको थियो ।

---

अन्ततः यो समाचारले अहिले मेल खाएको छ । पिंकभिल्लाको एक एक्सक्लुसिभ रिपोर्ट अनुसार प्रियंका राजामौलीको यो मेगा बजेट फिल्मको हिस्सा हुने पक्का भएको छ । उसका अनुसार १ हजार करोडको यो फिल्मको कथा पहिलो अफ्रिकी जंगल साहसिक कथा हुनेछ, जसमा साउथ सुपरस्टार महेश बाबुले एक अन्वेषकको भूमिका निभाउनेछन्, जसमा भगवान हनुमानको विशेषता हुने जनाइएको छ ।

पिंकभिलाको रिपोर्ट अनुसार यो फिल्मको कास्टिङको काम लगभग पूरा भइसकेको छ । फिल्म २०२५ अप्रिलमा सुटिङको लागि तयारी अवस्थामा रहेको छ । यस फिल्ममा महेश बाबुको अपोजिटमा प्रियंका चोपडालाई कास्ट गरिएको छ, जुन फ्यानका लागि नयाँ जोडी हुनेछ । रिपोर्टका अनुसार फिल्म लेखनको अन्तिम चरणमा छ ।

राजामौली यस फिल्मको लागि महिला प्रमुखको रूपमा विश्वव्यापी अनुहार प्रस्तुत गर्न चाहन्थे र यसका लागि प्रियंका भन्दा राम्रो कोही हुन सक्दैन भन्ने निष्कर्षमा उनी पुगेका छन् । समाचार अनुसार पछिल्लो ६ महिनामा प्रियंकासँग राजामौलीले कयौं भेटघाट भएको थियो र अहिले यो बार्ता अन्तिम चरणमा पुगेको बताइएको छ ।

यो सँगै प्रियंका अब ६ वर्षपछि बलिउड फिल्ममा देखिने भएकी छिन् । यसअघि उनी फरहान अख्तर र जराया वसीमसँग फिल्म  ‘द स्काई इज पिंक’ मा देखिएकी थिइन् । यो फिल्ममा प्रियंकाले दमदार एक्शन सिन गर्ने बताइएको छ । यसका लागि उनले तयारी पनि सुरु गरिसकेकी छन् ।

रिपोर्ट अनुसार फिल्म २०२६ को अन्त्यसम्ममा पूरा हुनेछ र यो मेगा बजेट फिल्म सन् २०२७ मा हलमा रिलिज हुनेछ । फिल्मको छायांकन अमेरिका, भारत र अफ्रिकाका लोकेशनमा हुने चर्चा छ ।