सन्नी देओलको मात्रै सन्‌ २०२५ मा तीन फिल्म रिलिज हुने

मुम्बई- सन्‌ २०२४ मा बलिउडका धेरै फिल्म फ्लप भएपनि धेरै फिल्महरू हिट पनि भएका थिए । आउँदै गरेको वर्ष सन्‌ २०२५ मा धेरै उत्कृष्ट फिल्महरू आउँदैछन् । सेलिब्रेटीहरूले सन्‌ २०२४ मा यसको तयारी गरेका छन् ।

यसै सन्दर्भमा सनी देओलले आफ्नो इन्स्टाग्राममा यसको झलक देखाएका छन् । सन्नी देओलले एक रिक्याप भिडियो सेयर गरेका छन्, जसमा उनले सन् २०२५ मा रिलिज हुने फिल्मका लागि २०२४ मा कति मेहनत गरेका छन् भनेर बताएका छन् ।

---

सनी देओलको यो भिडियोमा ती फिल्मको सुटिङको झलक देख्न सकिन्छ । देओल परिवार एक कार्यक्रममा सँगै आएपछि त्यसको झलक पनि देखियो । सनी देओलको यो भिडियो हेरेपछि तपाईं एकपटक फेरि उनको फ्यान बन्नुहुनेछ किनभने उनको कडा मेहनतले पुनः भर्खरै उद्योगमा रि प्रवेश भएको हो ।

सन्नी देओलले सन्‌ २०२४ को रिक्याप भिडियो सेयर गरेका छन्, जसमा २०२४ को जनवरीदेखि डिसेम्बरसम्मका सम्झनाको झलक देख्न सकिन्छ। यसको क्याप्सनमा सनी देओलले लेखेका छन्, ‘२०२४, तपाईंको वर्ष राम्रो रह्यो । २०२५ मा रिलिज हुने फिल्मका लागि हामीले कडा मेहनत गरेका छौँ ।’

‘अब सन्‌ २०२५ मा हाम्रो कडा मेहनत पश्चात ‘जाट, लाहोर १९४७ र सफर’मार्फत पर्दामा देखिनेछु । म तपाईंहरू सबैको त्यहि मायाको पर्खाइमा छु, जुन तपाईंले मलाई पहिले पनि दिनुभएको थियो । नयाँ वर्षको शुभकामना, सन्‌ २०२५ लाई स्वागत छ ।’

भिडियोको सुरुमा सनी देओलका बुवा धर्मेन्द्र र आमा प्रकाश कौरसँगको तस्बिर देखिन्छ । यसपछि ती फिल्मको सुटिङको झलक छ, जसको रिलिज भएको उल्लेख गरेका छन् । यससँगै देओल परिवार कपिल शर्माको शोमा गएका थिए र त्यसपछि सबैजना एक कार्यक्रममा भेट भएको पनि देखाइएको छ । यो सबै कुरा यो रिक्याप भिडियोमा हेर्न सक्नुहुन्छ।

फिल्म गदरः २ अगस्त २०२३ मा रिलिज भएको थियो, जसले बक्स अफिसमा ठूलो नाफा कमाएको थियो । फिल्मले धेरै रेकर्डहरू बनाए र धेरैको रेकर्ड पनि तोडेको थियो र सनी देओलको लोकप्रियता फेरि चरम सीमामा पुग्यो । अब सन् २०२४ मा सन्नी देओलले कडा मेहनत गरेका छन् र उनका फिल्महरू ‘जाट्ट’, ‘लाहोर १९७४’ र ‘सफर’ २०२५ मा रिलिज हुँदैछन् ।

यससँगै अनिल शर्माले पनि ‘गदर ३’ बनाउने स्वीकारेका छन्, जसको काम सन् २०२६ मा सुरु हुनसक्ने जनाइएको छ ।