बेनसँगको प्रेमलाई जेनिफर लोपेजको औपचारिकता !

लसएन्जल्स :  दुई महिनादेखि अभिनेता बेन एफलेक र जेनिफर लोपेजको प्रेमले गसिप कोलममा ठाउँ पाउँदै आएको थियो । पापाराजीहरू उनीहरूलाई ठाउँको ठाउँ भेट्टाउन संघर्षरत थिए । उनीहरूकै प्रयासले पूर्व प्रेमी–प्रेमिका फेरि एक पटक रोमान्सको उडानमा रहेको खबर बाहिरिएको थियो ।

तर, दुवैले यो विषयमा मुख खोलेका थिएनन् । अन्ततः शनिबार जेनिफर लोपेजले आफैं बेन एफलेकसँग अफेयरमा रहेको खबरलाई औपचारिकता दिएकी छिन् । शनिबार ५२ औं जन्मदिन मनाएकी उनले बेनलाई किस गरेको तस्बिर इन्स्टामा सार्वजनिक गर्दै प्रेममा गरेको औपचारिक जानकारी दिएकी हुन् ।

---

उनले बेनलाई किस गर्दै गरेका ४ वटा फोटो राखेर ‘५२, यसले के गर्र्छ ?’ भन्ने क्याप्सन राखेकी छिन् । क्याप्सनमा मुटको इमोजी पनि थियो । लोपेज र एफलेक पहिलो पल्ट सन् २००२ मा ‘गिग्ली’को सेटमा भेटिएका थिए । सेटमा भेटे लगत्तै प्रेममा परेको उनीहरूले सोही साल इंगेजमेन्ट पनि गरेका थिए ।

तर, सन् २००४ मा उनीहरू अलग भएका थिए । त्यसयता बेग्लाबेग्लै जोडीसँग रोमान्स गरेका लोपेज र एफलेक अप्रिलदेखि एक अर्काको साथमा देखिन थालेका थिए ।  जेनिफर एलेक्स रोड्रिगेजसँगको इंगेजमेन्ट तोडेर बेनसँग नजिक भएकी हुन् भने बेन एना डी आर्मस्को सम्बन्धबाट अलग भएका थिए ।