नेट्फ्लिक्समा आउनु ४ दिनअघि नै पाइरेसी भयो कृतिको फिल्म ‘मिमी’

मुम्बई : बलिउड अभिनेत्री कृति सेननको मुख्य भूमिका रहेको फिल्म जुलाई ३० मा नेटफ्लिक्समा रिलिज हुने वाला थियो । तर, यो फिल्म आज सोमबार नै अनलाइनमा लिक भएको छ । यो फिल्म टेलिग्राममा पाइरेसी भएको हो । 

सामान्यतया आजभोलि कुनै पनि ओटीटी प्लेटफर्ममा रिलिज हुने फिल्म, रिलिज भएको केही घन्टा भित्रै विभिन्न पाइरेसी साइटमा भेटिन्छन् । तर, ‘मिमी’ पहिलो फिल्म बनेको छ जुन ४ दिनअघि नै पाइरेसीको मारमा परेको छ । 

---

‘मिमी’ कृति सेनन सोलो लिड भएको पहिलो फिल्म हो । फिल्ममा पंकज त्रिपाठी पनि महत्वपूर्ण भूमिकामा छन् । फिल्मले सरोगेसीको विषयलाई प्रस्तुत गरिएको छ । पैसाको लोभमा भाडामा बच्चा जन्माउन तयार भएकी कृतिलाई बच्चा चाहानेले लिन अस्वीकार गरेपछि आउने परिस्थितिको वरिपरि फिल्म बनेको छ । कृतिले गर्भवती भूमिकामा विश्वसनीय देखिन १५ केजी तौल बढाएकी थिइन् ।