के कार्तिकको प्रेममा छिन् जान्हवी ?

 मुम्बई : कार्तिक आर्यन जो हिरोइनसँग काम गर्छन् त्यो हिरोइनको नाम उनीसँग जोडिएकै हुन्छ । उनले काम गरेका हिरोइन नुसरत बरुचा, सारा अलि खान, अनन्या पाण्डे कोही बाँकी छैनन् जसको नाम कार्तिकसँग नजोडिएको होस् । यीमध्ये पनि सारा अलि खानसँग त उनको अफेयरका खबरले मनोरञ्जन कोलम राम्रैसँग रंगिएका थिए । तर, आजभोलि भने उनको नाम जान्हवी कपुरसँग जोडिन थालेको छ । 

खासमा दुवैको चक्करको चर्चा जान्हवीले ‘दोस्ताना २’ साइन गरेपछि नै सुरु भएको थियो । आर्यनले फिल्म साइन गरेको केही समयपछि जान्हवी पनि यो फिल्ममा आबद्ध भएकी थिइन् । त्यसयता दुवैलाई मिडियाका क्यामराले कहिले जिममा त कहिले डान्स रिहर्सलमा स्पट गरिरहन्थे । यसैलाई कतिले सहकर्मीको संगतको रुपमा मात्र व्याख्या गर्ने गरेका थिए ।

---

तर, दुवैको भित्रिया स्रोत भन्छ, ‘दुवैबीच प्रेम पाकिरहेको छ ।’ यो तर्कलाई बल पुर्याएको छ , जान्हवी बारम्बार कार्तिकको घरमा देखिने कुराले । हालै पनि जान्हवी कार्तिकको घरमा देखिएकी थिइन् । पापाराजीले पछ्याउँदै घर पुग्दा जान्हवीले मुस्किलले आफूलाई उनीहरूको नजरबाट बचाएकी थिइन् । कार्तिकले भने अघि बढेर फोटो खिच्ने मौका दिएका थिए । ‘दोस्ताना २’बाहेक कार्तिक र जान्हवी अर्को एउटा ‘रोमकम’ मा पनि देखिने कुरा छ ।