खेलाडीको प्रेममा सेलेना ?

लसएन्जल्स: किड्नी ट्रान्सप्लान्टको कुरालाई लिएर सेभ्ड बाई दि बेल रिबुटले गरेको मजाकले सेलेना गोमेज हप्ताभर नै चर्चामा रहिन् । टेलिभिजन सिरिजले उनको रोगलाई लिएर गरेको ठट्टा कसैले पनि रुचाएनन् । पछि टेलिजिनले माफी पनि माग्यो । समग्र प्रकरणमा सेलेनाले पनि केही बोलिनन् । 

तर, महत्वपूर्ण हल्लामा पनि चुप लाग्ने सेलेनाको बानीले गसिप कोलमनिस्टलाई भने कुनै असर गरेको छैन । आफ्नो हिसाबको सुविधाको कुरा लेखिरहकै छन् । यही बीचमा सेलेनाको अफेयरको खबरले पनि हलिउडमा जोर पक्डिएको छ । खबरअनुसार सेलेना यतिबेला ‘मियामी हिट’ स्टार जिम्मी बटलरसँग रोमान्स गरिरहेकी छिन् । जिम्मी बास्केटबल खेलाडी हुने । 
 
सेलेना र बटलरलाई न्युयोर्कमा सँगै डिनर गरेको स्पट गरेपछि ‘गसिपर’ले रोमान्सको अनुमान गरेका हुन् । अझ आफूलाई एनबिएको भित्रिया बताउने क्रिस पिरोले दुवैको बीचमा निकटता बढिरहेको अर्थ लाग्ने गरी ट्विट गरेपछि यो अनुमानलाई बल पुगेको थियो । अझ इ न्युजले त दुवै प्रेमको सुरुवाती चरणमा रहेको भन्दै समाचार प्रसारण गरेको थियो ।

---

इ न्युजका अनुसार सेलेना न्युयोर्कमा रहेको बेला जिम्मीले उनलाई डिनरका लागि निम्तो गरेको र र जिम्मीको प्रस्ताव सेलेनाले सहर्ष स्वीकार गरेकी थिइन् । इ न्युजले उनीहरू अझै ‘पर्ख र हेर’को अवस्थामा रहेको र टुंगोमा पुग्नुअघि समय लिन सक्ने बताएको छ । गायक जस्टिन विबरसँगको ब्रेकअप पछि डिप्रेसनमा गएकी सेलेनाले केही अघिसम्म पनि आफू नयाँ सम्बन्धका लागि तयार नभएको बताउँदै आएकी थिइन् । तर, पछिल्ला दिनमा उनले आफू नयाँ सम्बन्धका लागि सकारात्मक रहेको बताउन थालेकी थिइन् ।