‘प्यारालल मदर्स’को पोस्टर हटाएकोमा इन्स्टाले माग्यो माफी

लसएन्जल्स : स्तनपान सप्ताहको अवसर पारेर सोमबार पेड्रो अल्मादोभारले आफ्नो फिल्म ‘प्यारालल मदर्स’को पोस्टर सार्वजनिक गरेका थिए । तर इन्स्टामा आएको केही समयपछि नै इन्स्टाले यो पोस्टर हटाइदियो । कम्युनिटी गाइडलाइनअनुसार पोस्टरले नग्नता प्रदर्शन गरेको भन्दै इन्स्टाले यस्तो कदम चालेको थियो ।

यसरी इन्स्टाले हटाएको पोस्टरमा दूधको मुन्टाबाट दूध चुहिरहेको देखाइएको थियो । भेनिस फिल्म फेस्टिभलमा ओपनिङ फिल्मको रुपमा वल्र्ड प्रिमियर हुन लागेको यो फिल्म तीन जना आमाको कथामा केन्द्रित छ । पोस्टर हटाएकोमा सवत्र्र आलोचना भएपछि इन्स्टाले माफी माग्दै यसलाई पुनस्र्थापित गरेको छ । 

---

‘ नग्न भनिने सामाग्री कलाको सन्दर्भमा आएका छन् हामीले अपवादको रुपमा लिएर यस्ता कुरालाई यथावत राख्न दिने गरेका छौँ । यो पोस्टरलाई पनि हामीले यही कारण पुनः प्रकाशन गरेका छौँ । हामी निर्देशक पेड्रो अल्मादोभारसँग माफी माग्न चाहान्छौँ,’ इन्स्टाले भनेको छ । 

सेलिब्रेटीले भने बेलाबखत इन्स्टामा ‘फ्रि दि निप्पल मुभमेन्ट’ चलाउँदै आएका छन् । यो मुभमेन्टमा रिहाना, मिली साइरस, क्रिसी तेइगन आदिले दूधको मुन्टो देखाएका फोटो पोस्ट गरेका थिए जुन इन्स्टाले हटाएको थियो । ‘प्यारालल मदर्स’मा पेनलप क्रुज, रोजी डी पामा र आइताना सान्चेज गिजोनले तीन आमाको भूमिका निर्वाह गरेका छन् । यो फिल्म सेप्टेम्बर १ देखि सुरु हुने भेनिसमा वल्र्ड प्रिमियर हुँदैछ ।