आलियाले सुरु गरिन् ‘आरआरआर’ सुटिङ

मुम्बई : आलिया भट्टले एसएस राजामौली निर्देशित फिल्म ‘आरआरआर’को सुटिङ सेट ज्वाइन गरेकी छिन् । सञ्जयलीला भन्साली निर्देशित फिल्म ‘गंगुबाई कठैयावडी’को सुटिङ सके लगत्तै आलियाले हैदराबादमा सुटिङ थालेकी हुन् । महामारीका कारण ‘गंगुबाई कठैवडी’को सुटिङ दुई हप्ता ढिला भएपछि ‘आरआरआर’ले आलियाको सेड्युलबिनै महाबलेश्वरमा सुटिङ सकेको थियो । 

फिल्ममा आलियाले सीताको भूमिका निर्वाह गर्नेछन् । दक्षिण भारतीय फिल्ममा आलियाको यो डेब्यु  हो । समकालीन धेरै अभिनेत्रीले दक्षिणका फिल्ममा काम गरे पनि आलियाले अहिलेसम्म काम गरेकी थिइनन् । फिल्ममा बलिउडबाट अजय देवगन पनि समावेश छन् । त्योबाहेक फिल्ममा रामचरण र जुनियर एनटीआर पनि मुख्य भूमिकामा देखिनेछन् । 

---

‘बाहुबली’ सिरिज बनाएर चर्चामा आएका रजामौलीले फिल्ममा स्वतन्त्र सेनानी कोमराम भिम र सीथारामाराजुको कथालाई पर्दामा उतार्न लागेकी हुन् । ठूलो बजेटमा निर्माण भएको फिल्म एकसाथ हिन्दी, तमिल, तेलगु , कन्नड र मलयालम भाषामा रिलिज हुनेछ ।