म्याजिक सिनेमा हलमा आगलागी हुँदा दुई करोडको क्षति

विराटनगर - सुनसरीको रामधुनी नपा ५ झुम्कास्थित म्याजिक सिनेमा हलमा शनिबार आगलागी हुँदा २ करोड रुपैयाँ बराबरको क्षति भएको छ । जिल्ला प्रहरी कार्यालय सुनसरीका एसपी सन्जयसिंह थापाका अनुसार ब्यवसायिक भवनको तेस्रो तलामा रहेको मिनि सिनेमा हल जलेर क्षति भएको छ । 

दमकलको सहयोगमा प्रहरी र स्थानीयको प्रयासमा आगलागी नियन्त्रण गरिएको उनले जानकारी दिए । हल पुर्णरूपमा जलेको जनाइएको छ । कोभिड १९ महामारीपछि उक्त सिनेमा हल बन्द रहदै आएको थियो ।

---

बिहान ८ बजे सुरु भएको आगलागी अपरान्ह २ बजेतिर मात्रै नियन्त्रणमा आएको थियो । विद्युत सर्ट भएर आगलागी भएको प्रारम्भिक अनुसन्धानबाट खुलेको एसपी थापाले बताए ।