बिग बोस विजेता सिद्धार्थ शुक्लाको निधन

मुम्बई :  बिग बोसको १३ औं संस्करणका विजेता सिद्धार्थ शुक्लाको निधन भएको छ । बलिउड हंगामाका अनुसार हृदयाघातका कारण उनको निधन भएको हो । बलिउड फिल्म ‘हम्टि शर्माकी दुल्हनियाँ’ र ‘बालिका बधु’ सिरियलबाट चर्चामा रहेका सिद्धार्थ बिग बोसको विजेता बनेपछि लोकप्रियताको ग्राप ह्वात्तै बढेको थियो ।

केही समयअघि मात्र उनको ‘ब्रोकन बट ब्युटीफुल’ अल्ट बालाजीबाट रिलिज भएको थियो । ४० वर्षका उनको कुपर अस्पतालमा निधन भएको समाचारमा उल्लेख छ । उनका एक आमा र दुई दिदी बहिनी छन् । 

---