बेलायतबाट आयो ‘हामी नेपाली हामी गोर्खाली’

काठमाडौं :  सुरेश राज पाठक, मधुसुदन थापा मगर र ममता गुरुङको स्वरमा रेकर्ड भएको ‘हामी नेपाली हामी गोर्खाली’ शीर्षकको राष्ट्रिय गीतको म्युजिक भिडियो सार्वजनिक भएको छ ।

सार्वजनिक गीतका रचनाकार कल्पना आङबुहाङ हुन् भने गीतमा अशोक कुमार राईको संगीत रहेको छ । बेलायतमा छायांकन गरिएको उक्त गीतको म्युजिक भिडियो नेपाल चलचित्र कलाकार संघ यूकेको प्रस्तुतिमा तयार भएको हो ।

---

भिडियोमा रोमियन लिम्बु, ध्रुब दत्त, सिर्जना निलेगंखु, आस्था जोशी, दीपक मैथाने मगर, सन्तोष राई, सन्तोष राई, परशुराम राई, कुमुद पन्त, प्रतिमा दुराज र इन्दु लिम्बुले अभिनय गरेका छन् । दिलु थापाको कोरियोग्राफी रहेको भिडियोमा नवीन निरौलाको कलर, सञ्चारकर्मी कुशल श्रेष्ठको छायांकन र सम्पादन रहेको छ । भिडियोको निर्देशन सन्त कुमार राईले गरेका हुन् ।