जावेद अख्तरका मुद्दामा कंगनालाई झटका, अदालतले खारेज गर्याे उजुरी

मुम्बई  :  मुम्बई उच्च अदालतले जावेद अख्तरले कंगनाका विरुद्ध हालेको मुद्दा खारेज गर्न अस्वीकार गरेको छ । कंगनाले जावेदले हालेको मानहानीको मुद्दा खारेज गर्न मुम्बई उच्च अदालतसमक्ष माग गरेकी थिइन् । अदालतको कंगनाको अर्जी बिहीबार खारेज गर्ने निर्णय गरेको छ । यसले गीतकार अख्तरले कंगनाविरुद्ध हालेको मुद्धा यथावत रुपमा अगाडि बढ्नेछ । 

कंगनाले जावेद अख्तरमाथि सुशान्तसिंह राजपुतको आत्महत्या गराउन बाध्य पार्ने समूहको सदस्य भएको आरोप लगाएकी थिइन् । उनले रिपब्लिक टिभीका लागि अर्नब गोस्वामीसँग कुरा गर्दै अख्तरमाथि नातावादलाई पक्षपोषण गरेको र उनलाई यत्तिकै छाड्न नहुने तर्क गरेकी थिइन् । 

---

कंगनाको यो अन्तर्वार्ताको खिलाफमा गत वर्षकै नोभेम्बरमा अदालतमा मानहानीको मुद्धा दर्ता गराएका थिए । डिसेम्बरमा मजिस्ट्रेट अदालतले प्रहरीलाई कंगनाको अभिव्यक्तिको विरुद्धमा अनुसन्धान गर्न आदेश दिएको थियो । यसपछिका केही सुनवाईमा कंगना अदालतमा उपस्थित भएकी थिइन् ।

मुस्किलले अदालतबाट धरौटीमा छुटेकी कंगनाले केही समयअघि अख्तरको मुद्दा नै खारेज गरी पाउँ भनी उच्च अदालतमा निवेदन दिएकी थिइन् । यहाँबाट पनि उनले छुटकारा पाउन सकिनन् । शुक्रबार कंगनाको ‘थलाइवी’ रिलिज हुँदैछ । सेलिब्रेटी सोमा राम्रो प्रतिक्रिया पाएको यो फिल्मबाट कंगनाले पाँचौं राष्ट्रिय अवार्ड जित्नेसम्मका अनुमानको बाढी लागेको छ ।