समीक्षकको नजरमा २०२० का उत्कृष्ट १० फिल्म

 विश्वभरका समीक्षकले दिएको भोटको आधारमा क्लोइ झाओ निर्देशित फिल्म ‘नोमाडल्यान्ड’ स्न २०२० को उत्कृष्ट फिल्म घोषित भएको छ । अनलाइन पत्रिका इन्डी वायरले विश्वभरका समीक्षकलाई वर्षका उत्कृष्ट फिल्म छान्न गरेको आग्रहमा समीक्षकले ‘नोमाडल्यान्ड’लाई उत्कृष्ट मानेका हुन् । वायरले फिल्मसँगै  उत्कृष्ट निर्देशक, उत्कृष्ट पटकथा, उत्कृष्ट विदेशी फिल्म आदि विधामा पनि समीक्षकको मत लिएको थियो । 

इन्डीवायरले भेराइटी, दि हलिउड रिपोर्टरसँगै विश्वका विभिन्न कुनामा रहेर समीक्षा गर्ने २३१ समीक्षकको मतको आधारमा उत्कृष्ट १० को छनोट गरेको जनाएको छ । वायरले समीक्षकबीच ‘नोमाडल्यान्ड’ र ‘नेभर रेयल्र्ली समटाइम्स अलवेज’ पहिलो स्थानका लागि कडा प्रतिस्पर्धा रहेको तर थोरै भोट अन्तरमा  ‘नोमाडल्यान्ड’ले बाजी मारेको पनि जनाएको छ ।

---

उत्कृष्ट फिल्मको सूचीमा समीक्षकले ‘नोमाडल्यान्ड’लाई ८१ र ‘नेभर रेयल्र्ली समटाइम्स अलवेज’लाई ८४ मत दिएका थिए । तर, १ देखि १० सम्मका उत्कृष्ट फिल्मको सूचीमा ‘नोमाडल्यान्ड’ले २४ र ‘नेभर रेयल्र्ली समटाइम्स अलवेज’ले १६ मत प्राप्त गरेको वायरले जनाएको छ । समीक्षकले नर्थ अमेरिकामा रिलिज भएका वा भिडियो अन डिमान्डमा रिलिज भएका फिल्मलाई मात्र भोट दिन पाउने व्यवस्था थियो । अस्करमा कडा दाबेदारी प्रस्तुत गर्ने भनिएको डेभिड फिन्चरको ‘मंक’ भने उत्कृष्ट फिल्मको सूचीमा अटाएको छैन ।

तर, डेभिड फिन्चरले निर्देशकको सूचीमा भने स्थान पक्का गरेका छन् । यो साल अस्करमा ‘नोम्याडल्यान्ड’ ‘मंक’‘मिनारी’, ‘ट्रायल अफ दि सिकागो ७’, ‘वन नाइट इन मियामी’ आदि फिल्मबीच प्रतिस्पर्धा हुने अनुमान गरिएको छ ।  वायरले गरेको सर्भेमा पहिलो पल्ट महिलाले बनाएको फिल्मले पहिलो स्थान ओगटन सफल भएको हो । यति मात्र होइन, यो लिस्टमा उत्कृष्ट तीन फिल्म महिलानै निर्देशन गरेका हुन् । नोमाडल्यान्ड’लाई ८१ र ‘नेभर रेयल्र्ली समटाइम्स अलवेज’सँगै उत्कृष्ट १० फिल्मभित्र अटाउन सफल ‘फस्ट काउ’ पनि महिला नै निर्देशन गरेकी हुन् । समीक्षकले छानेका फिल्म र निर्देशकको सूची यस प्रकार रहेको छ । 

उत्कृष्ट १० फिल्म
१. नोम्याडल्यान्ड
२. नेभर रेअर्ली समटाइम्स अलवेज
३.फस्ट काउ 
४. लभर्स रक
५. आइएम थिंकिङ इन्डिङ थिंग्स’
६. बिनपोल
७ टाइम
८ दा ५ ब्लडस्
९ मार्टिन इडन
१० बाकुराउ 

उत्कृष्ट १० निर्देशक
१. क्लोइ झाओ – नोम्याडल्यान्ड
२ स्टिभ म्याक्विन – लभर्स रक
३. एलिजा हिटम्यान– नेभर रेअर्ली समटाइम्स अलवेज 
४. केली रेचार्ट– फस्ट काउ 
५. डेभिड फिन्चर– मंक
६ स्पाइक ली – दा ५ ब्लडस्
७ चार्ली कौउफमेन– आइ एम थिंकिङ अफ इन्डिङ थिंग्स
८ पिइट्रो मार्सेलो –मार्टिन इडन
९ कान्टेमिर बेलेगोभ– बिनपोल
१० लि इज्याक चुङ – मिनारी