‘म्याड म्याक्स फ्युरी’ को प्रिक्वेल दुई वर्षपछि

लसएञ्जल्स : वार्नर ब्रोजले २०२१ भरी रिलिज हुने फिल्म एचबिओ म्याक्समा पनि रिलिज गर्ने निर्णय गरेपछि कम्पनी विवादमा परेको छ । वार्नर ब्रोजका लागि फिल्म बनाएका कतिपय निर्देशकले आफूलाई थाहै नदिई यस्तो निर्णय गरेको भन्दै असन्तुष्टि जनाएका छन् ।

यसैबीच वार्नरले त्यो विवादबाट ध्यान अन्तै मोड्न नयाँ फिल्म प्रदर्शन मिति सार्वजनिक गरेको छ । ‘म्याड म्याक्स फ्युरी रोड’को प्रिक्वेल ‘फुरीओसा’ का तीन भर्जन सन् २०२३ मा सार्वजनिक हुने वार्नरले जनाएको छ । ‘फुरीओसा’को सांगीतिक भर्जन ‘दि कलर पर्पल’, पारिवारिक फिल्म ‘क्योटे भर्सेज एक्मी र एक्सन भर्जन ‘फ्युरीओसा’ गरी तीनै फिल्म २०२३ मा सार्वजनिक हुनेछन् । 

---

आन्या टेलरको मुख्य भूमिका रहेको ‘फ्युरीओसा’ जुन २३ मा रिलिज हुनेछ भने लाइभ एक्सन तथा एनिमेसन भर्जन जुलाइ २१ मा । ‘दि कलर पर्पल’ चाहिँ क्रिसमसको छेको पारेर डिसेम्बर २० मा रिलिज हुनेछ । धेरैले वार्नरको यो घोषणालाई हल रिलिजको उसको प्रतिवद्धताको रुपमा व्याख्या गरेका छन् । जर्ज मिलर निर्देशित ‘म्याड म्याक्स ’ एक्सन फिल्ममध्ये सर्वाधिक रेटिङ पाएको फिल्म हो । यसअघि यसका चार भाग सार्वजनिक भइसकेका छन् ।