पुष्प र साम्राज्ञीको ‘रेड वाइन’ अब ‘तिम्रो मेरो साथ’

काठमाडौं :   हिरो परिवर्तन गरेको ‘रेड वाइन’ टिमले सुटिङको मुखमा आएर फिल्मको नाम पनि परिवर्तन गरेको छ । निर्माण टिमले ‘रेड वाइन’ नाम परिवर्तन गरेर चलचित्रको नाम  ‘तिम्रो मेरो साथ’ राखेको छ । यसअघि निर्माण टिमले पल शाहको ठाउँमा पुष्प खड्कालाई अनुबन्ध गरेको थियो । 

प्रेमकथामाथि आधारित यो चलचित्रको नाम कथा र समयको माग अनुरूप परिवर्तन गरिएको चलचित्रका निर्देशक रमेश एम के पौडेलले बताएका छन ।  क्रबारदेखि छायांकन हुन लागेको चलचित्र तिम्रो मेरो साथमा निर्देशक पौडेलकै कथा, गीत र निर्माण रहेको छ । चलचित्रमा पुष्प खड्का, साम्राज्ञी आर एल शाह, सन्दिप क्षेत्री, खबपु , इमिली लामा र बिशेष भूमिकामा ध्रुब दत्तको अभिनय रहने छ । 

---

 आर्यन फिल्मस् तथा बोधी एच डी अमेरिकाको ब्यानरमा बन्न लागेको यो चलचित्रका निर्मातामा पासांग लामा र सह निर्मातामा निरू भण्डारी, सुमन पौडेल र सुधिर पराजुली रहेका छन् । चलचित्रमा सबिर श्रेष्ठको पटकथा र सम्वाद रहेको छ । ‘तिम्रो मेरो साथ’को नेपाल र केही दृश्यहरू अमेरिकाका विभिन्न सहरहरूमा छायांकन गरिने छ ।   ‘रुद्रप्रिया’ र ‘राज्जा रानी’को निर्माण गरेका एम के पौडेलको यो डेब्यु निर्देशन हो ।